තවත් පිරිස් සංක්‍රමණ විරෝධී උද්ඝෝෂණයන්හි නිරත වූහ.
බ්‍රිතාන්‍යයන් විසින් දණ්ඩ යටත් විජිතයක් ලෙස නිව් සවුත් වේල්ස් ප්‍රාන්තය ස්ථාපිත කිරීම අනුස්මරණය කෙරෙමින් එරට ජාතික දිනය සැමරේ. සිඩ්නි වරාය වෙත නැව් මගින් යටත් විජිතවාදීන් සහ වැරදිකරුවන් රැගෙන එනු ලැබිණි.
එරට මිලියන 27ක සමස්ත ජනගහනයේ ආදිවාසී ප්‍රතිශතය 4%කි. යුරෝපීය සංක්‍රමණිකයින්ගේ ආගමනයත් සමග ආදිවාසීන් සතු සංස්කෘතික පද්ධතියට වූ විනාශය සිහි කැඳවමින්, ජාතික දිනය "ආක්‍රමණයේ දිනය" ලෙස නම් කර තිබේ.
එරට වේලාවෙන් අද උදෑසන 10.00ට සිඩ්නි හයිඩ් පාර්ක් වෙතින් පෙළපාලි පිටත් විය. ඉකුත් සතියේ, සවුත් වේල්ස් ප්‍රාන්තයේ ගම්මානයකදී තුවක්කුකරුවකුගේ වෙඩි ප්‍රහාරයකින් මිය ගිය අය කිරීමෙන් අනතුරුව පෙළපාලි ආරම්භ විය.
ආදිවාසීහු එහිදී ඉඩම් යළි අත්පත් කරගැනීම පිලිබඳ අදහස් දැක්වූහ.
පොලිස් අත්අඩංගුවේදී ඇබොර්ජීනියානුවන් මිය යෑම වර්ධනය වීම සම්බන්ධයෙන් ද එහිදී අදහස් දැක්විණි. ඔස්ට්‍රේලියාව එක්සත් රාජ්‍යයක් ව පැවතිය යුතු බව අවධාරණය කෙරිණි.
ඕස්ට්‍රේලියාවේ සෑම පුරවැසියන් දෙදෙනකුගෙන් ම එක් අයෙක් විදෙස් රටක උපත ලද්දෙකි. නොඑසේව, දෙමාපියන්ගෙන් අයකු විදේශයක උපත ලද්දෙකි. පසුගිය වසර කිහිපය තුළ එරට සංක්‍රමණික ආගමන වැඩිවීමක් දක්නට ලැබේ. ඒ හේතුවෙන් රට තුළ දේශපාලන අස්ථාවර භාවයක් පිලිබඳවද, කනස්සල්ල පළවී තිබේ. ජීවන වියදම ඉහළ යමින් ඇති අතර නිවාස ගැටළුව ද උග්‍රව පවතී.
සෑම වසරකම ජනවාරි 26 දා විරෝධතාකරුවෝ ඕස්ට්‍රේලියානු ආදිවාසීන්ට සිදුවන අකටයුතුකම් වලට විරෝධය පා උද්ඝෝෂණයේ නිරත වෙති. එරට ජාතික දිනය නොපවත්වන ලෙස හෝ එදිනට එම දිනය අත්හැර දමන ලෙස ඔවුහු රජයට බල කර සිටිති.
(සටහන |Reuters ඇසුරින්; හර්ෂ උදයකාන්ත පීරිස්)
1/26/2026
(harshaprs@yahoo.com)
මුලාශ්‍රය :
Australia Day marked by 'Invasion Day' rallies, anti-immigration protests
