දෙපස තියුණු ලෙස බෙදී සිටී. මේ වන විටත් ඉරානය සහ එක්සත් ජනපදය අතර වක්‍ර සාකච්ඡා වට දෙකක් අවසන් ය.
ඉකුත් සතියේ සාකච්ඡා වටය අවසන් වීමන් අනතුරුව, ඉරානය සිය නව යෝජානවලිය ගෙනහැර පාමින්සිටී. කෙසේවුව, දැනට දක්නට ඇත්තේ ද්වී පාර්ශ්වීය රාජ්‍යතාන්ත්‍රික ක්‍රියාවලිය දියාරුව, සන්නද්ධ ගැටුමකට යන සෙයකි. ටෙහෙරානයේ ප්‍රයත්නය කෙසේ හෝ එය වලක්වා ගැනීම ය.
සිය අධි පෝෂණිත යුරේනියම් සංචිතයෙන් හරි අඩක් විදෙස් ගත කිරීම පිලිබඳ බරපතලව සලකා බලන බව, ටෙහෙරානය පැවසී යැයි, එම රාජ්‍ය නිලධාරියකු උපුටා දක්වන රොයිටර්ස් පුවත් සේවය පවසයි. එමෙන්ම, ඉරානය, කලාපීය යුරේනියම් පෝෂණ සන්ධානයක් හා අනුගතවීමට ද සූදානම් ය.
එහෙත්, ඒ සියල්ල, සාමකාමී යුරේනියම් පෝෂණයට ඉරානය සතු අයිතිය එක්සත් ජනපදය විසින් තහවුරු කෙරේ නම් පමණි. එරටට එරෙහි එක්සත් ජනපද ආර්ථික සම්බාධක ඉවත්කළ යුතු බවද ඔවුහු කියා සිටිති.
වැඩිදුර ප්‍රතිචාර වශයෙන් එරට සුවිසල් ඉන්දන සහ ගෑස් කර්මාන්තය එක්සත් ජනපද ව්‍යවසායක කොන්ත්‍රාත් සමාගම් වෙත විවෘත කිරීමට ද ඉරානය කැමැත්ත පල කර සිටී. එමගින් එරට න්‍යෂ්ටික වැඩපිළිවෙළ පිලිබඳ දශක කිහිපයක අර්බුදය විසඳෙනු ඇතැයි ද අපේක්ෂා කෙරේ.
ඒ අනුව, සාකච්ඡාවට නියමිත ආර්ථික පැකේජය තුළ එක්සත් ජනපදයට ද ඉරාන ඉන්දන කර්මාන්තයේ සැලකිය යුතු ආයෝජන අවස්ථා හිමි වේ.
ධවල මදිරය මේ සම්බන්ධයෙන් තවමත් ප්‍රතිචාර දක්වා නැත.
ඉරාන යුරේනියම් පෝෂණය නිසැක න්‍යෂ්ටික අවියක් තැනීමේ අරමුණින් පමණක් බව, එක්සත් ජනපද මතය ය. ඉරානය එය දැඩි ලෙස ප්‍රතික්ෂේප කර සිටින අතර යුරේනියම් පෝෂණයට ඇති අයිතිය තහවුරු කරන ලෙස බල කර සිටී.
දෙපාර්ශ්වය අතර සාකච්ඡා සිදු වන අතර වාරයේම එක්සත් ජනපදය, මැද පෙරදිග කලාපයේ හමුදා ශක්තිය තව දුරටත් ශක්තිමත් කිරීමට පියවර ගත්තේය. තම රටට එරෙහි ප්‍රහාරයක දී ප්‍රතිප්‍රහාර ලෙස කලාපයේ එක්සත් ජනපද හමුදා කඳවුරු විනාශ කරන බවට ඉරානය අනතුරු අඟවා සිටී.
කෙසේ වෙතත්, දෙරට අතර සාකච්ඡා තව දුරටත් ක්‍රියාත්මකය. එමගින් අන්තර්වාර එකඟතාවකට එළැඹිය හැකි බව ඉරානයේ විශ්වාසයයි.
ඉරාන විදේශ අමාත්‍ය, අබ්බාස් අරඛ්චි සහ එක්සත් ජනපද ජනපති විශේෂ නියෝජිත, ස්ටීව් විට්කොෆ් අතර තවත් හමුවක් බ්‍රහස්පතින්දා (26) ජිනීවා හිදී පැවැත්වීමට නියමිත ය.
(සටහන |Reuters ඇසුරින්; හර්ෂ උදයකාන්ත පීරිස්)
2/23/2026
(harshaprs@yahoo.com)
මුලාශ්‍රය :
Tehran is ready for nuclear concessions if US meets demands, Iranian official says
