ඒ පිලිබඳ මාධ්‍ය වෙත අදහස් දැක්වූ ජපාන නියෝජ්‍ය ප්‍රධාන කැබිනට් ලේකම්, මසනාවෝ ඕසකී, පසුගිය ජනවාරි 20 දා එම ජපන් ජාතිකයා ඉරාන රජය මගින් අත්අඩංගුවට ගෙන ඇතැයි පැවසීය. ඒ පිලිබඳ වැඩි දුර තොරතුරු අනාවරණය ඔහු විසින් ප්‍රතික්ෂේප කර තිබේ.
මසනාවෝ ඕසකී
මේ අතර, එම සිදුවීම පිලිබඳ වාර්තා කළ රේඩියෝ ෆ්‍රී යුරෝප් (Radio Free Europe ) ගුවන් විදුලි සේවය, ඉරාන අත්අඩංගුවට පත්ව ඇත්තේ, ජපානයේ එන්.එච්.කේ. (NHK) රූපවාහිනියේ ටෙහෙරාන් කාර්යාංශ ප්‍රධානී ෂිනොසුකේ කවෂිමා (Shinnosuke Kawashima) බව අනාවරණය කළේය. ඉරාන රජයේ අත්අඩංගුවට පත් කවෂිමා, පසුව ටෙහෙරාන් බන්ධනාගාරයක් වෙත මාරු කර ඇතැයි එහිදී හෙළි විය.
සිය කාර්ය මණ්ඩල සාමාජිකයකු ඉරාන රැඳවුම් භාරයේ පසු වන බව තහවුරු කිරීම එන්.එච්.කේ. රූපවාහිනිය ප්‍රතික්ෂේප කළේය. සිය සාමාජිකයින් පිලිබඳ ආරක්ෂාව ප්‍රමුඛස්ථානයේ ලා කටයුතු කරන බැවින් මේ අවස්ථාවේ ඒ පිලිබඳ කිසිත් ප්‍රකාශ කළ නොහැකි බව එමගින් වැඩි දුරටත් දන්වා තිබේ.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්‍රය :
Japan demands swift release of national detained in Iran
