වෙස් මුහුණු පැළඳි යුදෙව් ජාතිකයෝ, එදින රාත්‍රී හෙබ්‍රන් නගරාසන්නයේ පලස්තීන ජනතාව වෙසෙන සුසියා ගම්මානයට කඩා වැදී ඔවුන් සතු මෝටර් රථ ඇතුළු අන් දේපළ ගිනි තබා විනාශ කළහ.
ප්‍රධාන මාර්ගය ආසන්නයේ පැවතීම හේතුවෙන් යුදෙව්වන් දෛනිකව එම ගම්මානයට පහර දෙන බව ගම්වාසීහු පැවසූහ. එම සිදුවීම් පිලිබඳ විමර්ශනයට ඊශ්‍රායල හමුදා පිටත් කර ඇතැයි බලධාරීහු ප්‍රකාශ කළහ.
වෙස් ලා ගත් යුදෙව් පිරිස් රාත්‍රී කාලයේ එහි පලස්තීන ගම්මාන ආක්‍රමණය කර පහර දීම සහ දේපළ විනාශ කිරීම මේ වන විට සාමාන්‍ය සිදුවීම් බවට පත්ව තිබේ.
2023 ඔක්තෝබරයේ ගාසා යුද්ධය ඇරඹීමෙන් අනතුරුව එහි වර්ධනයක් දක්නට ලැබිණි. එක්සත් ජාතීන්ගේ සංවිධානයේ වාර්තා අනුව මෙම වසරේ යුදෙව් පහරදීම් හේතුවෙන් පලස්තීන ජාතිකයින් 800ක් පමණ අවතැන්ව ඇත.
(සටහන |Reuters ඇසුරින්; හර්ෂ උදයකාන්ත පීරිස්)
2/26/2026
(harshaprs@yahoo.com)
මුලාශ්‍රය :
Israeli settlers burn tents, vehicles in West Bank village, say residents
