ඉරාන නායකයාගේ ඝාතනයත් සමග මැද පෙරදිග වතාවරණය අස්ථාවර වෙමින් පවතී. දැඩි ප්‍රති ප්‍රහාර අපේක්ෂාවෙන් සිටින ලෙස ඉරාන විප්ලවීය හමුදාව විසින් අනතුරු අඟවා තිබේ. ජීවිතක්ෂයට පත් වන විට ඉරාන නායකයා 83 වන වියෙහි පසු විය
දශක කිහිපයක තර්ජන මුලිනුපුටා දැමීම පිණිස එක්සත් ජනපදය ද ඉරානයට ප්‍රහාර එල්ල කළ බව ජනපති ට්‍රම්ප් පැවසීය.
"මේ සාධාරණය ඉරාන ජනයාට පමණක් නොවේ. එහි ජයග්‍රහණය නිර්භය ඇමරිකානුවන් සියල්ල සහ මුලුමහත් ලොවටමයි. මුලු ලොවම ලේ පිපාසිත ඛමෙනිගේ සහ ඔහුගේ සහචරයින්ගේ මරණයට සහ ග්‍රහණයට නතුව පැවතිණ," ඛමෙනිගේ මළ සිරුර හමුවීමෙන් පසු ජනපති ට්‍රම්ප් ටෘත් සමාජ ගිණුමේ සටහන් තැබීය.
ඛමෙනිගේ සහ අන් ඉරාන නායකයින්ගේ ඝාතන එරට නූතන පාලන තන්ත්‍රය ලද දැඩි පරාජයකි.
ඉරානයේ බැලස්ටික් මිසයිල සහ ගුවන් ආරක්ෂක පද්ධති අද උදෑසන ප්‍රහාරවල ඉලක්කය වූ බව ඊශ්‍රායල හමුදා පැවසූහ.
වහා ඊට ප්‍රතිචාර දක්වන බවත්, මැද පෙරදිග එක්සත් ජනපද කඳවුරු සහ ඊශ්‍රායලය වෙත අතිශය දරුණු ප්‍රති ප්‍රහාර එල්ල කරන බවත් ඉරාන විප්ලවීය හමුදාව කියා සිටියේය.
අද පෙ.ව.6.00 පසුවත්ම ඊශ්‍රායලය පුරා ආරක්ෂක සයිරන් නාද විය. අනතුරුව ටෙල් අවිව් වෙතින් පිපරීම් ගණනාවක් වාර්තා විය. ඉරාන මිසයිල ප්‍රහාර ව්‍යර්ථ කරමින්, ඊශ්‍රායල ගුවන් ආරක්ෂක පද්ධති ක්‍රියාත්මක විය. සිදුවූ ජීවිත සහ දේපළ හානි පිලිබඳ කිසිවක් මෙතෙක් වාර්තා වී නැත.
ඩුබායි සහ දෝහා වෙතින් ද දරුණු පිපිරීම් හඬ වාර්තා වී තිබේ.
මැදපෙරදිග කලාපයේ සියලු සිවිල් ගුවන් සේවා තාවකාලිකව අත්හිටුවා ඇත.
( Reuters ඇසුරින් සටහන; හර්ෂ උදයකාන්ත පීරිස් )
1/3/2026
(harshaprs@yahoo.com)
මුලාශ්‍රය :
More strikes aimed at Iran after US, Israeli assault kills supreme leader
