ඉරාන රජයේ බලවත්ම තැනැත්තා ලෙස සැලකෙන්නේ උත්තරීතර නායකයාය. ජනාධිපතිවරයා සිටින්නේ ඊට පහළිනි.
අයතුල්ලා අලි කමේනිගේ අභාවයෙන් පසු, ඉරානයේ ඉස්ලාමීය පාලක මණ්ඩලය උත්සාහ ගනිමින් සිටින්නේ තවත් උත්තරීතර නායකයකු පත් කර ගැනීමට යැයි ද විදෙස් මාධ්‍ය වාර්තා කර ඇත.
ඉරානයේ පවතින ආණ්ඩුක්‍රම ව්‍යවස්ථාවට අනුව, කමේනිගේ අනුප්‍රාප්තිකයා තෝරා ගත යුත්තේ පුජකයන්ගෙන් සැදුම්ලත් මෙම පාලක මණ්ඩලයයි.
පූජකවරුන් 88 දෙනෙකුගෙන් මෙම පාලක මණ්ඩලය සැදුම්ලත්ය. මෙම පාලක මණ්ඩලයට පූජකයන් තෝරා ගැනීම සිදුවන්නේ ජනතා ඡන්දයෙනි.
එසේ වුවත්, ඊට තරග කල හැකි වන්නේ ඉරාන ඉස්ලාමීය ජනරජයට පක්ෂපාතී අයට පමණයි. එබැවින් බොහෝ සාමාජිකයින් අයතුල්ලා අලි කමේනි මෙන් ඉතා දැඩි මතධාරීන් බව පැවැසෙයි.
ඔවුන් ඉක්මනින් නව උත්තරීතර නායකයෙකු තෝරා ගත යුතුයි. කෙසේ නමුත් ඇමෙරිකාවෙන් සහ ඊශ්‍රායලයෙන් එල්ල වන ප්‍රහාර හමුවේ ආරක්ෂිතව ඔවුන්ට රැස්වීම දුෂ්කර වී ඇතැයි ද පැවැසෙයි.
(මුලාශ්‍රය : lankadeepa)
වැඩිදුරටත් විස්තර සඳහා
ඉරානයේ උත්තරීතර නායක අලි කමේනි යනු කවුද? ඔහුගේ පවුල කෙතරම් බලගතු ද?
