ආරක්ෂක අවදානම සැලකිල්ලට ගෙන, ඒ සඳහා දැනට පවතින සාමාන්‍ය ප්‍රවාහන සේවා භාවිතා කරන ලෙසද දැනුම්වත් කර තිබේ.
ඒ සමග, මැද පෙරදිග රචවල සංචාරයෙන් හැකි තාක් වැළකී සිටින ලෙස එක්සත් ජනපද සංචාරක රතු නිවේදන යාවත්කාලීන කර ඇත.
බහ්රේන්, ඊජිප්තුව, ඉරානය, ඉරාකය, ඊශ්‍රායලය, බටහිර ඉවුර හා ගාසා තීරය, ජෝර්දානය, ක්වේටය, ලෙබනනය, ඕමානය, කටාර් රාජ්‍යය, සෞදි අරාබිය, සිරියාව, එක්සත් අරාබි එමීර් රාජ්‍යය සහ යේමනය එම නිවේදනයේ නම් කර ඇති රටවල් වේ.
තර්ජන හේතුවෙන් ජෝර්දානයේ, අම්මාන් හි පිහිටි එක්සත් ජනපද තානාපති කාර්යාලයේ කාර්ය මණ්ඩල වහා ඉවත් කිරීමට පියවර ගෙන තිබේ.
තත්ත්වය කළමණාකරණය පිණිස එක්සත් ජනපද රාජ්‍ය දෙපාර්තමේන්තුව විසින් අන්තර්-ආයතන හදිසි කාර්ය සාධක බලකායක් ද ස්ථාපිත කර තිබේ. ගැටුමේදී එක්සත් ජනපද ප්‍රතිචාර සම්බන්ධීකරණය ද එමගින් සිදු කෙරේ.
පවතින යුද ගැටුම් ඉදිරි මාස හතරක, පහක කාලයක් හෝ ඊට අධික කාලයක් අඛණ්ඩව පැවතිය හැකි බවට ජනපති ඩොනල්ඩ් ට්‍රම්ප් ඊයේ (2) අනතුරු ඇඟවීය.
දැනටමත් ඉරානය ඇතුළු රටවල් රැසකින් යුද්ධයෙන් පුද්ගල ජීවිත හානි වාර්තා වෙමින් පවතී.
ජාත්‍යන්තර සංචාරක සහ වාණිජ මධ්‍යස්ථාන ඇතුළු දේපළ රැසක් ද හානියට පත්ව තිබේ. ගෝලීය ඉන්දන මිල තවදුරටත් ඉහළ යමින් ඇත. බලශක්ති අර්බුදයක් පිළිබඳවද සැක පල වී තිබේ.
( සටහන Reuters ඇසුරින්; හර්ෂ උදයකාන්ත පීරිස් )
3/3/2026
මුලාශ්‍රය :
US urges citizens to immediately depart over a dozen Middle Eastern countries
