බොර තෙල් පැටවීම පිණිස එම නෞකා ගමන් වාරය සිදු කෙරිණි.
මැද පෙරදිග සියලු සමුද්‍ර මාර්ග අවහිරව ඇති මොහොතක සහ විශේෂයෙන් ඉරානය විසින් හෝමුර්ස් සමුද්‍ර සන්ධිය වසා දමා ඇති අවස්ථාවෙක සිදු කළ එම ගමන් වාරය සුවිශේෂී විය. එම සමුද්‍ර සන්ධිය ඔස්සේ යාත්‍රා කෙරෙන නෞකාවන්ට ප්‍රහාර එල්ල කරන බවට ඉරානය විසින් තර්ජනය කර තිබේ.
සුවස්මැක්ස් වර්ගයට අයත් 'පෝලා' නම් එම නෞකාව පසු ගිය 2 දා සිය ස්වයංක්‍රීය හැඳිනීම් සෙවුම් පද්ධතිය (AIS ) නිෂ්ක්‍රීය කර එම සමුද්‍ර සන්ධියට පිවිසි අතර යළි ඊට පසු දින අබු ඩාබි වෙතින් 'නිරුප්‍රදිත' බව සන් කර සිටියේය. එය ජෙබල් ධානා වරාය වෙත යාත්‍රා කරමින් පැවතිණ.
නෞකාව එහි සිට තායිලන්තය වෙත බොර තෙල් ප්‍රවාහනය කිරීමට නියමිතය.
ඉරානය වෙත එක්සත් ජනපද - ඊශ්‍රායල හවුල් ප්‍රහාර සහ ඉරාන ප්‍රති ප්‍රහාර හමුවේ මැද පෙරදිග බලශක්ති අපනයන දැඩි අර්බුදයට ලක්ව පවතී. ඉරානය දිගින් දිගටම බලශක්ති උත්පාදන සහ නිෂ්පාදන මර්මස්ථාන මෙන්ම ඉන්දන ප්‍රවාහන නෞකා ඉලක්ක කර ප්‍රහාර එල්ල කරමින් සිටී. ආශ්‍රිත සියලු නිෂ්පාදන අතරමග ඇණහිට ඇත.
මාර්තු 1 දා හෝමුර්ස් සමුද්‍ර සන්ධිය හරහා යාත්‍රා කළ නෞකා සංඛ්‍යාව හතර තෙක් පහත වැටිණි. ජනවාරි සිට යුද්ධය ඇරඹි දින තෙක් ඒ ඔස්සේ දෛනිකව ඉන්දන නෞකා 20ක් පමණ යාත්‍රා කළේය.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්‍රය :
Tanker heads to UAE port via Strait of Hormuz to load oil, sources say
