හිස්බුල්ලාපාලනය පවතින දකුණු බීරුත් වෙත ඊශ්‍රායල හමුදා දරුණු ප්‍රහාර එල්ල කළහ. අද අළුයම තෙක් ඒ වෙ ගුවන් ප්‍රහාර මාලා 26ක්එල්ල කළ බව එම හමුදා පැවසූහ.
ඉරානයේ ටෙහෙරාන් අගනුවර යටිතල පහසුකම් රැසක් වෙත ද එම ප්‍රහාර එල්ල විය.
අද උදෑසන ඊශ්‍රායලයේ ටෙල් අවිව් නගරයේ හදවත වෙත මිසයිල ප්‍රහාර එල්ල කළ බව ටෙහෙරානය පැවසීය. ඊට 'ඛේබා' මිසයිල භාවිත කෙරිණි. එය ' සත්‍ය පොරොන්දුව 4' (Operation True Promise 4) යටතේ එල්ල කළ ප්‍රහාර මාලාවේ 21 වන ප්‍රහාරය බව ටෙහෙරානය කීය. ඉරාන මිසයිල සහ ඩ්රෝන ප්‍රහාර එකමුතුවකින් ටෙල් අවිව් හි මර්මස්ථාන වෙත පහරදීම ආරම්භ කෙරිණි.
ඉරානය අද අළුයම, මැද පෙරදිග විශාලතම එක්සත් ජනපද ගුවන් හමුදා කඳවුර වන කටාරයේ අල් උඩයිඩ් කඳවුරට ද දැවැන්ත ප්‍රහාරයක් එල්ල කළේය. ජීවිත හානි පිළිබඳ වාර්තා නොවේ.
මේ අතර ජාත්‍යන්තරයේ දැවැන්තතම බහළු නෞකා ජාලයක් වන මර්ස්ක් සමාගම මැද පෙරදිග සිට ආසියාව සහ යුරුපය යා කළ සිය සේවා දෙකක් තාවකාලිකව අත්හිටවූ බව, අද නිවේදනය කළේය. ඒ අනුව, ඈත පෙරදිග සහ මැද පෙරදිග යා කළ සිය FM1 බහළු නෞකා සේවාව සහ මැද පෙරදිග සහ යුරෝපය යා කරමින් ක්‍රියාත්මක ME11 සේවාව තාවකාලිකව නවතා දැමූ බව එම සමාගම දැනුම් දුන්නේය.
නෞකා සහ කාර්ය මණ්ඩල ආරක්ෂාව පිණිස එම පියවර ගෙන තිබේ. යුද ව්‍යාප්තිය හේතුවෙන් ගෝලීය සැපයුම් දාමය අන්තරායකර අර්බුදයකට මැදිව පවතී.
යුද්ධය ඇරඹි දා සිට මේ තාක්, ඉරානයේ අවම වශයෙන් පුද්ගල මරණ 1230ක් වාර්තා වේ. ලෙබනනයේ 123 දෙනකු ජීවිතක්ෂයට පත්ව 683 දෙනකු තුවාළ ලබා තිබේ. ඉරාන ප්‍රහාර හේතුවෙන් ඊශ්‍රායලයේ 10 දෙනකුවත් ජීවිතක්ෂයට පත්ව ඇතැයි ද වාර්තා වේ.
(සටහන, Reuters ඇසුරින්; හර්ෂ උදයකාන්ත පීරිස් )
6/3/2026
Israel pounds Beirut in expansion of war; Trump demands say over new Iranian leader
Maersk suspends two shipping services due to Middle East crisis
