වසර 30කට ආසන්න කාලයකින් පසු දකුණු කොරියාව මෙවැනි තීන්දුවක් ගෙන ඇති බව රොයිටර්ස් පුවත් සේවය වාර්තා කරයි.
දකුණු කොරියා ජනාධිපති ලී ජේ මියුන්ග් ඊයේ පැවැති රජයේ රැස්වීමකදී මේ බව ප්‍රකාශ කර ඇත.
මිල ඉහළ ගොස් ඇති තෙල් නිෂ්පාදන සඳහා උපරිම මිලක් නියම කරන පද්ධතියක් ඉක්මනින් හඳුන්වා දී දැඩිව ක්‍රියාත්මක කරන බව ජනාධිපතිවරයා පවසා තිබේ.
ලී ජේ මියුන්ග්
මැදපෙරදිග අර්බුදය ලෝක වෙළඳාම සහ මැදපෙරදිගින් ආනයනය කරන බලශක්ති මූලාශ්‍ර මත දැඩි ලෙස රඳා පවතින දකුණු කොරියා ආර්ථිකයට විශාල බරක් බවද ජනාධිපතිවරයා සඳහන් කර ඇත.
එමෙන්ම හෝර්මුස් සන්ධිය හරහා ලැබෙන ශක්ති සැපයුම්වලට අමතරව වෙනත් ශක්ති මූලාශ්‍ර සොයා බැලීමට ද රජය කටයුතු කරන බවද ඔහු පැවසීය.
මේ අතර ජනාධිපති ප්‍රතිපත්ති උපදේශක කිම් යොන්ග්-බොම් සඳහන් කළේ, ඉන්ධන මිල සීමා පද්ධතිය හැකි ඉක්මනින් ක්‍රියාත්මක කිරීම සඳහා කර්මාන්ත අමාත්‍යාංශය කඩිනමින් පියවර ගන්නා බවත්, එය මෙම සතියේම ක්‍රියාත්මක විය හැකි බවත්ය.
(සටහන | ගිම්හාන් ද සිල්වා)
සබැඳි පුවත් :
බලශක්ති අර්බුදය හමුවේ බංග්ලාදේශ සරසවි වැසේ !
මැදපෙරදිග ගැටුම් මධ්‍යයේ බලශක්තිය ඉතිරි කර ගන්න ෆිලිපීනයෙන් සිව් දින රාජකාරි සතියක්
