විසින් තහනම් කරයි.
මැද පෙරදිග අර්බුදය හමුවේ ටෙහෙරානය වෙතින් එල්ල වී ඇති තර්ජන සහ පෙළපාලිය අතරතුර උද්ගත විය හැකි නොසන්සුන්තා හේතුවෙන් එරට පොලිසිය විසින් මෙම පියවර ගෙන තිබේ.
අල් ඛඩ්ස් නම් එම පෙළපාලිය ඉරාන රෙජිමයට සහාය පල කරමින් ඉස්ලාමීය මානව හිමිකම් කොමිසම විසින් වාර්ෂිකව සංවිධානය කෙරෙන්නකි. වසර 14කට පසු, එරට ජන විරෝධතාවක් වෙත බාධක පැනවූ ප්‍රථම අවස්ථාව මෙය බව සඳහන් ය. ඉරාන සහයෝගීතාවට එරෙහි කිනම් හෝ ජන ඒකරාශි ද තහනම් කර තිබේ.
පලස්තීන විමුක්තියට සහාය පිණිස එය සංවිධානය කළ බව ඉස්ලාමීය මානව හිමිකම් කොමිසම විසින් මීට පෙර සඳහන් කර තිබිණි. පෙර වසරවල පැවති එම පෙළපාලි අවස්ථාවන්හිදී ත්‍රස්ත සංවිධානයන්ට සහාය පල කිරීමේ සහ යුදෙව් විරෝධී සාපරාධී චෝදනා මත බ්‍රිතාන්‍යයේදී පුද්ගල අත් අඩංගුවට ගැනීම් සිදු කර ඇතැයි ද පොලිසිය පැවසීය.
මැද පෙරදිග වත්මන් තත්ත්වය මෙන්ම, බ්‍රිතාන්‍ය මිත්‍ර සන්ධානයට සහ මැද පෙරදිග පිහිටි ඊට අයත් හමුදා කඳවුරු වෙත ඉරානය විසින් එල්ල කෙරෙන ප්‍රහාර ද මෙම තහනමට හේතු ව ඇතැයි, ඒ සම්බන්ධයෙන් ඊයේ (10) නිකුත් කරන ලද පොලිස් නිවේදනයේ දැක්වේ.
ඉරාන බුද්ධි සේවාවන්ට තොරතුරු සම්පාදනය කිරීම සම්බන්ධයෙන් සැක පිට, ඉකුත් සතියේ පුද්ගලයින් සිව් දෙනකු බ්‍රිතාන්‍යයේදී අත් අඩංගුවට ගැනිණි. නීති විරෝධී පුද්ගල ආවේක්ෂණයේ නිරත වීම සහ ලන්ඩනයේ යුදෙව් ප්‍රජා වාසස්ථාන පිලිබඳ තොරතුරු රැස් කිරීම පිලිබඳ ඔවුන්ට එරෙහි චෝදනා ගොනු කර තිබේ.
තහනම නොතකා ඉරිදා එම පෙළපාලිය පැවැත්වෙන්නේ නම්, ඊට එරෙහිව තදින් ක්‍රියා කරන බව, බ්‍රිතාන්‍ය පොලිසිය සඳහන් කරයි.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්‍රය :
UK police ban pro-Iranian London march due to 'extreme tensions'
