මෙම විශේෂ අවසරය අප්‍රේල් මස 11 වැනිදා දක්වා වලංගු බව විදෙස් මාධ්‍ය පවසයි.
මේ අනුව, රුසියානු ඛනිජ තෙල් මිලදීගැනීම සම්බන්ධයෙන් අමෙරිකාව විසින් රටවලට පනවා තිබූ වාරණය තාවකාලිකව ඉවත්කිරීමට තීරණය කර තිබේ.
අමෙරිකානු භාණ්ඩාගාර දෙපාර්තමේන්තුව නිවේදනයක් නිකුත් කරමින් සඳහන් කර ඇත්තේ, මේ වනවිට මුහුදේ යාත්‍රා කරන නෞකාවල පවතින රුසියානු බොරතෙල් සහ ඛනිජ තෙල් මිලදී ගැනීමට සිට රට එළැඹෙන අප්‍රේල් 11 වනදා දක්වා ලොවපුරා රටවලට අවසර ලබාදී ඇති බවය.
ඉරානයට එරෙහි යුද්ධය අතරතුර ගෝලීය බලශක්ති වෙළෙඳපොළ ස්ථාවරව පවත්වාගෙන යාමේ අරමුණින් මෙම තීරණය ගෙන ඇති බව අමෙරිකානු භාණ්ඩාගාර දෙපාර්තමේන්තුව සඳහන් කරයි.
මීට පෙර අමෙරිකාව විසින් ඉන්දියානු පිරිපහදුකරුවන්ට ද රුසියානු තෙල් මිලදී ගැනීමට දින 30ක සහන කාලයක් ලබාදීමට කටයුතු කළේය.
ඒ අනුව ඉකුත් මාර්තු 5 වන දින අප්‍රේල් 3 වනදා දක්වා කාලය තුළ රුසියානු සමූහාණ්ඩුවට අයත් බොරතෙල් සහ ඛනිජ තෙල් නිෂ්පාදන ඉන්දියාව තුළ බෙදා හැරීමට සහ විකිණීමට අමෙරිකානු භාණ්ඩාගාර දෙපාර්තමේන්තුවේ විදේශ වත්කම් පාලන කාර්යාලයෙන් අවසර ලබාදී ඇත.
මුලාශ්‍ර :
US eases Russia oil sanctions as Iran war pushes up energy prices
After India, US Temporarily Allows Sale Of Russian Oil Already At Sea
US Treasury Gives Green Light for Sale of More Russian Oil
