ඉරානයේ විදේශ අමාත්‍ය Abbas Araghchi ශ්‍රී ලංකා විදේශ අමාත්‍ය විජිත හේරත් සමග සිකුරාදා රාත්‍රියේ දුරකථන සංවාදයක නිරත වෙමින් මෙම ස්තුතිය පළ කර ඇති බව Islamic Republic News Agency වාර්තා කරයි.
එම සංවාදයේදී, අයිරිස් ඩෙනා නෞකාවට අදාළ සිද්ධියෙන් මියගිය නාවිකයන් 84 දෙනෙකුගේ දේහ මව්බිම වෙත යැවීම සඳහා ශ්‍රී ලංකා රජය ලබාදුන් සහාය විශේෂයෙන් ඇගයීමට ලක් කළ බවද එම වාර්තාවේ සඳහන් වේ.
ගාල්ල ජාතික රෝහලේ තැන්පත් කර තිබු ඉරාන නාවිකයින් 84දෙනාගේ මළ සිරුරු ඊයේ පස්වරුවේ ඉරානය කරා ගෙනගියේ මත්තල ගුවන්තොටුපලෙන් පිටත් වූ විශේෂ ගුවන් යානයකිනි.
(සටහන | ගිම්හාන් ද සිල්වා)
