සිරියාවේ ස්වෙයිදාහි ඩ්රූස් සිවිල් වැසියන් ඉලක්ක කර සිදු කළ ප්‍රහාර වෙත ප්‍රතිචාර වශයෙන් එම පහරදීම් සිදු කළ බව ඊශ්‍රායල හමුදා පැවසූහ.
සිරියානු හමුදා අණ මධ්‍යස්ථානයක් සහ දකුණු සිරියාවේ හමුදා පරිශ්‍රයන් හි වූ අවි, සිය ඉලක්ක වූ බැව් එම හමුදා ප්‍රකාශ කළහ. ඩ් රූස් ජනගහනයට එරෙහි ප්‍රහාර සම්බන්ධයෙන් නිහඬ පිළිවෙතක් අනුගමනය කිරීමට සූදානම් නැතැයි, ඊශ්‍රායල හමුදා කීහ. ඊශ්‍රායලය සැම විටම එම ජනතාව ආරක්ෂා කරන බවත්, කලාපීය ප්‍රවණතා පිලිබඳ අවධානයෙන් පසුවන බවත් ඔවුහු ප්‍රකාශ කරති.
ඩ් රූස් ජනයා මැද පෙරදිග රටවල් කිහිපයක් පාදකව වෙසෙන කුඩා එහෙත් ඓතිහාසික ජන කොටසක් සේ සැලකේ. ඔවුන්ගේ ඉතිහාසය 11 වන සියවස තෙක් පැරණි අතර ඉස්ලාම් පාර්ශවයකින් පැවත එන ජන කොටසකි.
ලෙබනනය, සිරියාව, ඊශ්‍රායලය සහ ගෝලාන් කඳුකරය මූලික කොට එම ජනාවාස ඉදි කර තිබේ. ඔවුන් ඒක දේව වාදී ජන සමූහයක් වන අතර පුනරුත්පත්තිය පිලිබඳ විශ්වාස ඇති පිරිසකි. ඔවුහු සිය ප්‍රජාව සමග දැඩි විශ්වසනීයත්වයකින් බැඳී සිටිති. සැම විටම ප්‍රජාව තුළ පමණක් ආවාහ - විවාහ සිදු කෙරේ. ඔවුහු සිය වාස භූමියට දැඩිව ඇලුම් කරති. ඩ් රූ ස් ජන කොටසට අයත් විශාල පිරිසක් ඊශ්‍රායල හමුදා සේවයේ නිරත වෙති.
(සටහන |Reuters ඇසුරින්; හර්ෂ උදයකාන්ත පීරිස්)
මුලාශ්‍රය :
Israeli military says it struck Syrian government targets after attacks on Druze civilians
