ටෙක්සාස් වැලෙරෝ තෙල් පිරිපහදුවේ දැවැන්ත පිපිරීමක්

ඒ හේතුවෙන් බලධාරීන් විසින් ප්‍රදේශවාසීන්ට ආරක්ෂිත ස්ථානවල රැඳී සිටින ලෙස (shelter-in-place) හදිසි අනතුරු ඇඟවීමක් නිකුත් කර තිබේ.

පෝට් ආතර් නගරයේ නිල වෙබ් අඩවිය සඳහන් කළේ, අවට වෙසෙන සියලුම වැසියන්ගේ ආරක්ෂාව තහවුරු කිරීම සඳහා මෙම අනතුරු ඇඟවීම නිකුත් කළ බවයි.

මෙම පිපිරීමෙන් පසු, පෝට් ආතර් නගර පරිපාලනය විසින් සබීන් පාස් (Sabine Pass), ප්ලෙෂර් අයිලන්ඩ් (Pleasure Island), 73 වන මහා මාර්ගයට දකුණින් වූ ප්‍රදේශ සහ ස්ටිල්වෙල් බුලවාර්ඩ් (Stirlwell Boulevard) සිට බටහිර දෙසට වන ප්‍රදේශ සඳහා මෙම හදිසි ආරක්ෂණ නියෝගය නිකුත් කර ඇත.

එරට මාධ්‍ය උපුටා දක්වමින් රොයිටර් පුවත් සේවය වාර්තා කළේ, දිනකට බැරල් 380,000ක ධාරිතාවයකින් යුත් මෙම පිරිපහදුවේ ගින්න හටගත් බවයි.

CBS පුවත් සේවයේ අනුබද්ධිත ආයතනයක් වන KFDM වාර්තා කර තිබුණේ, මෙම සිදුවීමෙන් කිසිදු පුද්ගලයෙකුට තුවාල සිදුවී නොමැති බවත්, පිපිරීම බොහෝ දුරට කාර්මික හීටරයක් (industrial heater) හේතුවෙන් සිදුවන්නට ඇති බවත්, ෂෙරිෆ් සෙනා ස්ටීවන්ස් ප්‍රකාශ කළ බවයි.

| hirunews


මුලාශ්‍ර :

Powerful blast hits Valero oil refinery in Texas, intense flames and dense smoke rise from complex | Watch