තවද, එම තීරණය කිසිදු පක්ෂපාතිත්වයකින් තොරව ක්‍රියාත්මක ය.
ඒ අනුව, කිසිදු රටකට අයත් නෞකාවකට ඉරාන වරාය වෙත ප්‍රවේශය සහ ඉන් පිට වීම ද, ඉරාන මුහුදු තීරයේ රැඳී සිටීම ද තහනම් ය. අරාබි ගල්ෆ් තීරයේ සහ ඕමාන ගල්ෆ් තීරයේ පිහටි ඉරාන වරාය තෙක් එම සම්බාධක බලාත්මකය.
කලාපයේ ඉරාන නොවන වරායයන් හා ගණු දෙනු කරන සහ හෝර්මුස් සමුද්‍ර සන්ධිය හරහා යාත්‍රා කෙරෙන නෞකාවන්ට මෙම සම්බාධක අදාල නොවේ. නව සම්බාධක ආරම්භයට ප්‍රථම ඒ පිලිබඳ වැඩි විස්තර එක්සත් ජනපද හමුදා විසින් අදාල සියලු වෙළඳ නාවික යාත්‍රා වෙත දැනුම් දෙනු ඇත.
ඉරානයට ගාස්තු හෝ කප්පම් ගෙවන කිසිදු නෞකාවකට සයුරේ පැවතීමට අවකාශ නොතැබෙන බව සමාජ මාධ්‍ය සටහනක් තබම්න් ජනපති ට්‍රම්ප් පවසයි. එක්සත් ජනපද හමුදා සහ සාමකාමී නෞකා වෙත ප්‍රහාර එල්ල කරන සෑම ඉරානුවකුම "අපායට දක්කන" බව එහි දැක්වේ.
එක්සත් ජනපද නාවුක හමුදා යාත්‍රා හෝර්මුස් සමුද්‍ර සන්ධිය වෙත පිවිසීම සටන් විරාමය උල්ලංඝනය කරන්නක් සේ සලකා ක්‍රියාත්මක වන බව ඉරානය පවසයි.
එක්සත් ජනපද හමුදා විසින් හෝර්මුස් තීරයේ තැන්පත් කර ඇති ඉරාන බෝම්බ විනාශ කිරීම ද ආරම්භ කර තිබේ. බොරතෙල් රැගත් සුපිරි නෞකා තුනක් සෙනසුරාදා (11) ආරක්ෂිතව හෝර්මුස් සමුද්‍ර සන්ධිය පසු කළේය.
සෙනසුරාදා, ඉස්ලාමාබාද් නුවර ඇරඹි එක්සත් ජනපද - ඉරාන මුල් වටයේ සටන් විරාම සාකච්ඡා අසාර්ථක විය. දැඩි බලපෑමෙන් පසු ටෙහෙරානය එම කතා බහට යලි එක්වනු ඇති බව වොෂින්ටනයේ විශ්වාසයයි.
"උගත් පාඩම් කිසිත් නැත. හොඳ හිත එය ප්‍රවර්ධනය කරන අතර, පසමිතුරු බව පරළා සතුරු බවම ප්‍රවර්ධනය කරයි" ඉරාන විදේශ අමාත්‍ය, අබ්බාස් අරඛ්චි කියයි.
බොරතෙල් බැරලයක මිල නැවතත් ඇමෙරිකානු ඩොලර් 100 ඉක්මවා ඉහළ ගොස් තිබේ.
සති හයක පමණ ඉරාන යුද්ධයෙන් මේ වන විට දහස් සංඛ්‍යාත පිරිසක් මරු වැළඳ සිටිති.
( සටහන, Reuters ඇසුරින්; හර්ෂ උදයකාන්ත පීරිස්)
2026.04.13
මුලාශ්‍රය :
US to blockade Iran ports after talks fail to yield a deal
