ඒ අනුව, ඉදිරි දින කිහිපය තුළ පාකිස්ථානයේ ඉස්ලාමාබාද් අගනුවරදී මෙම සාකච්ඡා වටය පැවැත්වීමට එරට රජය යෝජනා කර ඇති බව විදෙස් මාධ්‍ය සඳහන් කරයි.
කලාපීය නොසන්සුන්තාවය පාලනය කිරීම සඳහා දැනට ප්‍රකාශයට පත් කර ඇති සටන් විරාම කාලය අවසන් වීමට පෙර රාජ්‍යතාන්ත්‍රික විසඳුමකට එළඹීම මෙම යෝජනාවේ මූලික අරමුණයි.
පළමු වටයේ සාකච්ඡාවලදී යුරේනියම් සාරවත් කිරීමේ කාලසීමාව සම්බන්ධයෙන් මතුවූ එකඟ නොවීම් පිළිබඳව මෙහිදී වැඩිදුරටත් අවධානය යොමු කරනු ඇතැයි අපේක්ෂා කෙරෙනු ඇති බව එම මාධ්‍ය වාර්තාවල සඳහන්වේ.
ඉරානය සහ අමෙරිකාව අතර පසුගිය 11 වෙනිදා යුද්ධය සම්බන්ධයෙන් පළමු වටයේ සාකච්ඡාවක් පාකිස්තානයේ මැදිහත්වීමෙන් පැවැත්විණි.
කෙසේවෙත් එය එකඟතාවයකින් තොරව අවසන් වූ බව විදෙස් මාධ්‍ය වාර්තා සඳහන් කළේය.
පසුගිය පෙබරවාරි 28 වෙනිදා ඊශ්‍රායලය සහ අමෙරිකාව ඒකාබද්ධව ඉරානයට ප්‍රහාර එල්ල කිරීමත් සමඟ මෙම යුද්ධය ඇතිවිය. මාසකට අධික කාලයක් මෙම යුද්ධය පැවති අතර මේ වනවිට සති දෙකක සටන් විරාමයක් ක්‍රියාත්මක වේ.
මුලාශ්‍රය :
Pakistan proposes to host another round of talks in coming days before US-Iran truce ends
US eyes potential second round of in-person talks with Iran as blockade takes hold
