ඒ අනුව, ප්‍රධාන මූල්‍ය ප්‍රතිපත්ති පොලී අනුපාතිකය 8.75% දක්වා ඉහළ නැංවිණි. සීග්‍රයෙන් ඉහළ යන උද්ධමනය සහ ඉරාන ගැටුම හේතුවෙන්, තෙල් මිල ඉහළ යාම මත, රුපියල අවප්‍රමාණය වීම ඊට හේතුවය.
බොහෝ ආසියානු ආර්ථිකයන්, මැද පෙරදිග බොරතෙල් ආනයනය මත දැඩිව රඳා පවතී. ඒ හේතුවෙන් එම රටවල්, දීර්ඝ කාලීන බලශක්ති මිල ඉහළ යාමේ තර්ජනයට බඳුන්ව සිටිති. ගෝලීය උද්ධමන ප්‍රවේගය මෙන්ම, එම ගැටළු මත එකී රටවල මුදල් ඒකක අවප්‍රමාණය වීම, මේ වන විට, කලාපීය ගැටළුවක් බවට පත්ව තිබේ.
ඉන්දුනීසියාවේ සහ පිලිපීනයේ මුදල් ඒකක මෙම මස අඛණ්ඩව අවප්‍රමාණය විය. 1990 දශකයේ අග භාගයේ, ආසියානු මූල්‍ය අර්බුදය අතරතුර මෙන් නොව, වත්මන, එම මූල්‍ය එකක වාර්තාගත අවම අගයන් යටතේ පවතී.
මුදල් ඒකක අවප්‍රමාණය වීම මත, ආනයනික භාණ්ඩ පිරිවැය දැරිය නොහැකි ලෙස ඉහළ යාමෙන්, උද්ධමනය තවදුරටත් වර්ධනය වේ. ඉන්දුනීසියානු මහ බැංකුව පසුගිය සතියේ 0.5% ක තීව්‍ර පොලී අනුපාත වැඩිවීමක් නිවේදනය කළේය. ඉකුත් මස එම අනුපාත ඉහළ නැංවූ පිලිපීන මහ බැංකුව ද, එළැඹෙන ප්‍රතිපත්ති හමුවට පෙර යළි එය ඉහළ යා හැකි බවට අනතුරු අඟවා තිබේ.
(සටහන | NHK ඇසුරින්; හර්ෂ උදයකාන්ත පීරිස්)
මුලාශ්‍රය :
Sri Lanka's surprise rate hike raises regional concerns
