එය එක්සත් ජනපද - ඉරාන යුද්ධය අවසන් කිරීම පිණිස නොමඳ සහායක් වනු ඇතැයි උදක් අපේක්ෂා කෙරේ.
එක්සත් ජනපදය හා සාම යෝජනාවලියකට එකඟ වීමට පෙර, ලෙබනනය වෙත සිදු කෙරෙන සියලු ඊශ්‍රායල ප්‍රහාර නවතාලිය යුතු බවට ඉරානය පුන පුනා කියා සිටියේය. හෝර්මුස් සමුද්‍ර සන්ධියේ ඉරාන නෞකාවක් වෙත එක්සත් ජනපද හමුදා එල්ල කළ ප්‍රහාරයකට ප්‍රති-ප්‍රහාර වශයෙන්, ඊයේ ඉරානය විසින් කුවේට් ජාත්‍යන්තර ගුවන් තොටුපොළ වෙත, එල්ල කළ ඩ්‍රෝන සහ මිසයිල ප්‍රහාරයකින්, එහි ජාත්‍යන්තර මගී මෙහෙයුම් සිදු කෙරෙන 'ටී 1' පර්යන්තයට ඉමහත් හානි සිදු විය. එම ප්‍රහාරයෙන් පුද්ගලයකු ජීවිතක්ෂයට පත්ව, 63 දෙනෙක් තුවාළ ලදහ. තුවාළ ලැබූවන් අතර ශ්‍රී ලාංකිකයෝ තිදෙනෙක් ද වෙති.
මේ අතර, කුවේට් ජාත්‍යන්තර ගුවන් තොටුපොළ වෙත පහර නොදුන් බව, ඉරාන විප්ලවීය හමුදා කියා සිටියහ. එක්සත් ජනපදය විසින් එල්ල කළ මිසයිල නාශක ප්‍රති-මිසයිලවල ඉලක්ක වැරදී එම ව්‍යසනය සිදු වූ බව, ඉරාන රාජ්‍ය මාධ්‍ය සඳහන් කළේය.
ඊශ්‍රායල - ලෙබනන සටන් විරාමය ක්‍රියාත්මක කිරීමට, ඉරාන සහාය හිමි හිස්බොල්ලා සන්නද්ධ කණ්ඩායම සියලු ප්‍රහාර වහා අවසන් කළ යුතු අතර, දකුණු ලිටානි කලාපයේ සියලු සන්නද්ධ මෙහෙයුම් ද ඉවත් කර ගත යුතු බව, වොෂින්ටනයේ පැවති එම සාකච්ඡා වලින් අනතුරුව, එක්සත් ජනපද රාජ්‍ය දෙපාර්තමේන්තුව නිවේදනය කළේය.
මේ අතර, දුරකථන ඇමතුමකින් ඊශ්‍රායල අග්‍රාමාත්‍ය බෙන්ජමින් නෙතන්යාහු 'පිස්සකු' ලෙස හැඳින්වීමේ කරුණ සත්‍යයක් බව, එක්සත් ජනපද ජනපති ඩොනල්ඩ් ට්‍රම්ප් කියා සිටියේය.
නායක දෙපළ අතර සිදු කෙරුණු දුරකථන සංවාදයක් අතර අග්‍රමාත්‍ය නෙතන්යාහු "හද්දා පිස්සෙක්" යයි හැඳින්වීදැයි, ඊයේ, විකාශය කෙරෙනු සම්මුඛ සාකච්ඡාවක දී, එක්සත් ජනපද ජනපතිවරයාගෙන් කරන ලද විමසීමකට පිළිතුරු ලෙස, ඔහු ඒ බව සනාථ කළේය.
"ඔව්, මම කිව්වා... මං කිව්වෙ කේන්තියෙන් නෙවෙයි. හැබැයි, ඔය ලෙබනනයත් එක්ක නිතරම ඇණ කොටාගන්න එක ගැන නම්, මගේ හිතේ පොඩි අපුලක් තියෙනව, අම්මප..!" ට්‍රම්ප් කීය.
(සටහන | Reuters ඇසුරින්; හර්ෂ උදයකාන්ත පීරිස්)
මුලාශ්‍ර :
Israel, Lebanon agree to implement ceasefire, boosting hopes for Iran deal
Trump confirms he called Netanyahu crazy in phone call
