ආරක්ෂක හමුදා එම ප්‍රදේශය වටලා තහනම් කලාපයක් ප්‍රකාශයට පත් කර ඇතැයි ද වාර්තා වේ.
එරට වේලාවෙන්, පෙ.ව.6.00ට පළමු පිපිරීම වාර්තා විය. ඉන් පැය දෙකකට පසුවද වෙඩි හුවමාරු පැවති බව ද සඳහන් ය.
මිලියන 28ක පමණ ජනගහනයෙන් යුත් බටහිර අප්‍රිකානු රටක් වන නයිජර් රාජ්‍යය භූමියෙන් වට රටකි. එහි නයිජර් ගංගාව ගලා බසී. ඇල්ජීරියාව, ලිබියාව, චැඩ්, නයිජීරියා, බෙනින්, බුර්කීනා ෆාසෝ සහ මාලි අසල්වැසි රාජ්‍ය වෙත්.
මුස්ලිම් රාජ්‍යයේ අයිසිස් සංවිධානයට ලැදි කුඩා කල්ලියක් විසින් ඉකුත් ජනවාරි මස එරට ගුවන් තොටුපොළකට ප්‍රහාර එල්ල කිරීමේ වගකීම භාරගෙන තිබිණි.
අල් ඛයිඩා සංවිධානයට අනුබද්ධ ජිහාඩ් සන්නද්ධ කල්ලි, නයිජර් සහ යාබද රාජ්‍ය ආරක්ෂාවට තර්ජනයකි. එම සන්නද්ධ කල්ලි විසින් දිගු කාලීනව සිදු කළ ප්‍රහාර හේතුවෙන් නයිජර්, බුර්කීනා ෆාසෝ සහ මාලි රාජ්‍යයන්හි පුද්ගලයින් දහස් ගණනක් ජීවිතක්ෂයට පත්ව, මිලියනන ගණනක ජනතාව අවතැන්ව සිටිති.
(සටහන: හර්ෂ උදයකාන්ත පීරිස්)
6/18/2026
(harshaprs@yahoo.com)
මුලාශ්‍රය :
Explosions, sustained gunfire at airport in Niger capital, witnesses say
