ජෝර්දාන හමුදා කඳවුරක් වෙත එල්ල කළ ඉරාන ප්‍රහාර හමුවේ, එක්සත් ජනපද හමුදා සාමාජිකයින් දෙදෙනෙක් ජීවිතක්ෂයට පත්ව, තවත් සාමාජිකයකු අතුරන් දීමෙන් අනතුරුව එම ප්‍රති ප්‍රහාර දියත් කෙරිණි.
එම ප්‍රහාරයන්ට පෙර, ඊයේ (18) විශේෂ නිවේදනයක් නිකුත් කළ ඉරාන උත්තරීතර නායකයා, ගැටුම් ප්‍රවර්ධනය සම්බන්ධයෙන් එක්සත් ජනපදයට වන්දි ගෙවීමට සිදුවන බව දන්වා සිටියේය.
ග්‍රිනිච් වේලාවෙන් 2200 පැයට ජනපති ඩොනල්ඩ් ට්‍රම්ප්ගේ මාර්ගෝපදේශන අනුව ඉරාන ඉලක්ක වෙත ගුවන් ප්‍රහාර එල්ල කළ බව මධ්‍යම විධානය පැවසීය.
හෝර්මුස් සමුද්‍ර සන්ධියේ යාත්‍රා කරන ජාත්‍යන්තර වෙළඳ නෞකාවන්ට එරෙහි ඉරාන පීඩනය තව දුරටත් මර්දනය කිරීම සහ එක්සත් ජනපද හමුදා සාමාජිකයින් දෙදෙනෙක් ඝාතනය කරමින් සහ තවත් සාමාජිකයකු අතුරුදන් කරමින් ජෝර්දානයේ එල්ල කළ ප්‍රහාරයන්ට ක්ෂණික පිළිතුරු ලෙස එම ප්‍රහාර එල්ල කළ බව ද එය පැවසීය.
ඉරානයේ පාලම්, බලශක්ති මධ්‍යස්ථාන සහ වෙනත් යටිතල පහසුකම් රැසක් වෙත එක්සත් ජනපද ගුවන් ප්‍රහාර එල්ල කෙරිණි.
දකුණු ඉරානයේ සිරික් වෙත එක්සත් ජනපද ගුවන් ප්‍රහාර එල්ල වූ බව ඉරාන මෙහ්ර් පුවත් ඒජන්සිය පැවසීය.
ඊයේ කුවේටය දිගින් දිගටම ඉරාන මිසයිල සහ ඩ්‍රෝන ප්‍රහාරයන්ට නතු විය. ඉරාන විප්ලවීය බලකාය, කුවේටයේ අරිෆ්ජාන් කඳවුරට ප්‍රහාර එල්ල කළ අතර, එහි අලි අල් සලෙම් ගුවන් කඳවුරට ද පහර දුන්නේය. එම ප්‍රහාරයෙන් කඳවුරේ රාඩාර් කුළුණ විනාශ විය. අඛණ්ඩ ඉරාන ගුවන් ප්‍රහාර මාලාවක් හමුවේ කුවේට් තෙල් සංස්ථා පරිශ්‍රයකට ද හානි සිදු විය. එහි පුද්ගල අනතුරු ද වාර්තා වේ.
බහ්රේනයේ එක්සත් ජනපද ප්‍රහාරක යානා නවතා ඇති ෂෙයික් ඉසා ගුවන් කඳවුරට හා එහි බුද්ධි තොරතුරු මධ්‍යස්ථානයකට ද ඉරාන ප්‍රහාර එල්ල විය.
(සටහන: Reuters ඇසුරින්; හර්ෂ උදයකාන්ත පීරිස්)
7/19/2026
(harshaprs@yahoo.com)
මුලාශ්‍රය :
US renews strikes on Iran after two military personnel killed by Iranian attack
