එම පොලිස් නිලධාරියා ප්‍රතිකාර සඳහා කොළඹ ජාතික රෝහලට ඇතුළත් කර සිටියදී මිය ගිය බව එහි ප්‍රකෂකයෙකු සඳහන් කළේ ය.
එමෙන් ම, ගාලු මුවදොර පිටියේ ගැටුම අතරතුර තුවාල ලැබූ පුද්ගලයෙකු ද කොළඹ ජාතික රෝහලට ඇතුළත් කර සිටියදී මියගොස් ඇත.
මේ අතර, නිට්ටඹුව ප්‍රදේශයේ සිදු වූ වෙඩි තැබීමේ සිද්ධියෙන් මිය ගිය පුද්ගලයින් සංඛ්‍යාව 3ක් දක්වා ඉහළ ගොස් ඇති බව නිට්ටඹුව පොලිසිය පැවසීය.
පාර්ලිමේන්තු මන්ත්‍රී අමරකීර්ති අතුකෝරල, ඔහුගේ ආරක්ෂක නිලධාරීයා සහ වතුපිටිවල රෝහලේ ප්‍රතිකාර ලබමින් සිටි 27 හැවිරිදි තරුණයෙකු මෙලෙස ජීවිතක්ෂයට පත් වී තිබේ.
සිද්ධියෙන් තුවාල ලැබූ පුද්ගලයින් 5 දෙනෙකු මේ වන විට වතුපිටිවල රෝහලේ ප්‍රතිකාර ලබන බව රෝහල් ආරංචි මාර්ග පැවසීය.
මේ අතර, වීරකැටිය ප්‍රාදේශීය සභා සභාපතිවරයාගේ නිවෙස් පරිශ්‍රයේ ඊයේ රාත්‍රියේ සිදුවූ වෙඩි තැබීමක් අතරතුර පුද්ගලයන් දෙදෙනෙකු ජිවිතක්ෂයට පත්වී තව ත් 7 දෙනෙකු තුවාල ලබා රෝහල් ගත කර තිබේ.
කොළඹ, ගාලු මුවදොර පිටියේ පිහිටුවා ඇති ‘ගෝඨාගෝගම’ අරගල භූමියේ ඊයේ (මැයි 9) දහවල් ඇතිවූ ගැටුම්කාරී තත්ත්වයෙන් තුවාල ලැබූ 200කට අධික පිරිසක් ප්‍රතිකාර සඳහා කොළඹ ජාතික රෝහලට ඇතුළත් කර ඇති අතර මෙම පිරිස අතර ආරක්ෂක අංශ සාමාජිකයන් ද සිටින බව වාර්තා වේ.
ඊට අමතරව කළුබෝවිල රෝහලට තුවාලකරුවන් 23 දෙනෙකු ඇතුළත් කර ඇති බව එම රෝහල් ප්‍රකාශකයෙකු පැවසීය.
(mawbima.lk)
