හෝමූස් සමුද්‍ර සන්ධිය අසල ඉහළ අහසේ දී මෙම යානය ප්‍රහාරයට ලක්ව ඇති අතර, ප්‍රහාරය එල්ල වනවාත් සමග ගුවන් නියමුවා ඉන් පිටතට පැන දිවි බේරාගෙන ඇති බව වාර්තා වේ.
මෙලෙස ප්‍රහාරයට ලක්ව ඇත්තේ ඉරානය විසින් එල්ල කළ ප්‍රහාරයකින් ඊයේ (3) බිමහෙළු F-15 ප්‍රහාරක ජෙට් යානයේ සිටි ගුවන් නියමුවා සෙවීම සඳහා ගමන්ගත් යානයක් බව සඳහන්ය. එහි සිටි ගුවන් නියමුවන්ගෙන් එක් අයෙකු බේරාගැනීමට අමෙරිකාවට හැකිව තිබේ.
ඉරානයට ඉහළින් කඩා වැටුණු ඇමරිකානු F-15 ප්‍රහාරක ජෙට් යානයේ සිටි කාර්ය මණ්ඩල සාමාජිකයෙකු මුදාගැනීමට ඇමරිකානු ආරක්ෂක අංශ සමත්ව ඇති බව CBS පුවත් සේවය වාර්තා කරයි.
ඇමරිකානු නිලධාරීන් දෙදෙනෙකු උපුටා දක්වමින් එම පුවත් සේවය සඳහන් කරන්නේ, අදාළ නියමුවා ඇමරිකානු හමුදා මෙහෙයුමකින් සාර්ථකව මුදාගත් බවයි.
කෙසේවුවද දිනක් තුළ අමෙරිකාවට ප්‍රහාරක යානා 2ක් අහිමි විය.
ඊශ්‍රායලය සහ අමෙරිකාව ඒකාබද්ධව සිදුකරන ඉරානයට එරෙහි යුද මෙහෙයුම ආරම්භ කර අදට (04) දින 36ක් ගතවී තිබේ.
මුලාශ්‍ර :
Iranian state media reports at least one killed in north Tehran missile attack
One crew member from US fighter jet downed in Iran has been rescued, US media report
US pilot rescued after fighter jet downed over Iran, US media report
