"මොකට ආපහු මෙච්චර ණය ගන්නෙ" , "ණය පෙන්නලා ආපු අය තමා වැඩිපුරම ණය ගන්නේ"
ඇත්තටම මේ ආකාරයට ණය ගැනීමට මූලික හේතුව වී තිබෙන්නෙ පසුගිය රජයන් ලබා ගත් බැදුම්කර හා බිල්පත් කල් පිරීමේදී එම ණය පියවා දැමීමටයි.
පරණ ණය අලුත් ණයක් ලබාගෙන පියවා දැමීමක් තමා සරලව මෙහි සිද්ද වන්නේ. මන්ද නව මහබැංකු පනත හේතුවෙන් රජය හිතුවක්කාරී ලෙස මුදල් අච්චු ගැසීමට නොහැකි නිසා රජයට මුදල් ලබාගැනීමට දේශිය ණය වෙළදපලට යාමට සිදුවී ඇත.
ඉතිහාසය තුළද ගත් බොහෝ ණයවලට සිද්ද වූවේ මෙයයි. අප පරණ ණය හා පොළිය ගෙවාදැමීමට නව ණය බොහෝවිට භාවිතා කල අතර අසීමිතව අනවශ්‍ය පමණ රාජ්‍ය අංශය වැඩිකරමින් රාජ්‍ය වියදම වැඩිකරගත් නිසා ඉතුරු මුදල් එම අංශය නඩත්තුව සදහා වැය විය.
ලබාගත් ණය සාධනීය ලෙස රටේ සංවර්ධනයට හා ධනය උත්පාදනයට දායක නොවූවේ එබැවිනි.
රාජ්‍ය අංශය ප්‍රතිවූහගත කොට රාජ්‍ය වියදම අවම නොකලහොත් හැමදාම අපට සිදුන්නේ පරණ ණය පියවීමට අලුත් ණය ලබා ගැනීමටය. මෙය විශම චක්‍රයකි, ණය උගුලෙන් ගැලවීමටනම් වහ වහා ආර්ථික ප්‍රතිසංස්කරණ සිදුකල යුතුය.
සබැඳි ලිපි :
'සැලසුමක් නැතිව ගත් ණය වත්මන් රජයට ගෙවන්න වෙලා' - ජ්‍යෙෂ්ඨ මහාචාර්ය වසන්ත අතුකෝරාළ