ගිහි පුද්ගලයකු කාශ්‍යප පිළිබඳ ව ලියුවේ නම් කාශ්‍යප පිළිබඳ අපගේ අදහස මීට වඩා බෙහෙවින් වෙනස් වන්නට ඉඩ තිබුණා යැයි මහාචාර්ය විල් හෙල්ම් ගයිගර් විසින් පරිවර්තිත චූලවංශය කෘතියේ හැඳින්වීමේ සටහන්ව ඇතැයි මහාචාර්ය රාජ් සෝමදේව පැවසී ය.
ඔහු මෙම අදහස් පළ කළේ ඔහු විසින් රචිත ''ගිරි රජ'' කෘතිය ජනගත කළ අවස්ථාවේ දී ය.
එම කෘතිය ජනගත කළේ පසුගිය සැප්තැම්බර් 26වන දින කොළඹ ජාත්‍යන්තර පොත් ප්‍රදර්ශන භූමියේ දී ය.
කාශ්‍යප පිළිබඳව ලියා ඇත්තේ බෞද්ධ භික්ෂුවක වන බැවින් අපිට සැබෑ කාශ්‍යප මගහැරී ඇති බව ද ගයිගර් සඳහන් කර ඇතැයි මහාචාර්ය රාජ් සොමදේව පැවසී ය.
තමන් ''ගිරි රජ" කෘතිය ලියා පළ කළේ ම කාශ්‍යප නිදොස් කිරීම සඳහා යැයි ද හෙතෙම පැවසී ය. ඊට හේතුව ලෙස ඔහු පැවසුවේ කාශ්‍යප පීතෘ ඝාතකයකු ලෙස නම් කිරීම ඉතිහාසයේ කළ ජුගුප්සා ජනක ම කුමන්ත්‍රණයක් බවයි.
මතු පළ වන්නේ එම අවස්ථාවේ මහාචාර්ය රාජ් සෝමදේව විසින් කරන ලද සම්පූර්ණ කතාව අන්තර්ගත වීඩියෝව යි.
රාජ් සෝමදෙවයන්ගේ ගිරි රජ කෘතිය එලිදැක්වීම | Raj Somadeva’s New Book
