2015 වර්ෂයේදී පොහොර සංස්ථාවේ බාහිර මිලදී ගැනීම් සදහා පත් කෙරුණ ටෙන්ඩර් මණ්ඩලයේ සභාපතිවරයා ලෙස කටයුතු කර මිලියන 08 ක් රජයට පාඩු කරමින් මුල්‍ය දූෂණයක නිරත වීම අමාත්‍ය කුමාර ජයකොඩිට එරෙහිව තිබෙන චෝදනාව බව අනාවරණය වී ඇත.
මාලිමා ආණ්ඩුවේ මුල් වරට මුල්‍ය දූෂණ චෝදනා එල්ලවන අමාත්‍යවරයා කුමාර ජයකොඩි වේ.
මීට පෙර අවස්ථාවක පාර්ලිමේන්තු මන්ත්‍රී ශානක්‍ය රාසමානික්කම් විසින් පාර්ලිමේන්තුවේ ප්‍රකාශයක් කරමින් ජාජබ ආණ්ඩුවේ මුල්‍ය දූෂණ චෝදනාවකට ලක් වූ අමාත්‍යවරයකු සිටින බවට හෙළිදරව් කරන ලදී.
කෙසේ වෙතත් එම මාධ්‍ය වාර්තාව සම්බන්ධයෙන් මෙතෙක් අල්ලස් හෝ දූෂණ විමර්ශන කොමිසම අදහස් දක්වා නොමැත.
මේ සම්බන්ධයෙන් සිය ෆේස්බුක් පිටුවේ සටහනක් පළකර ඇති, Lokuliyana Loku මෙසේ පවසයි.
'' මෙම තොරතුර සත්‍යය නම්, අමාත්‍යවරයාට එරෙහිව පවරන නඩුකරය ජාජබ ආණ්ඩුවේ ප්‍රතිපත්තිමය කන්‍යා භාවයේ ඇත්ත නැත්ත ගැන විමසා බලන විද්‍යාගාර "ටෙස්ට් ටියුබ"පරීක්ෂණයක් වනු නිසැකය. එහිදී එහි සත්‍යතාව තහවුරු වන පළමු හෝරාවේදීම බල ශක්ති අමාත්‍යවරයා ඇමති හා මන්ත්‍රී ධුරයන්ගෙන් නෙරපා හැරිය යුතු වේ.එ සේ නොමැතිව තවමත් අපේ අමාත්‍යවරයාට ඇත්තේ චෝදනා පමණක් යැයි පැවසෙන "බබා හුකුං" ප්‍රකාශ පුරවැසියන්ට අදාල නොවෙනු ඇත.
බලශක්ති අමාත්‍ය කුමාර ජයකොඩිගේ ප්‍රතිචාරය මෙන්න ...
මේ අතර පසුගියදා දෙරණ නාලිකාවේ '360' වැඩසටහනට සහභාගි වූ බලශක්ති අමාත්‍ය කුමාර ජයකොඩි, තමන් පොහොර සමාගමෙහි සේවය කරන සමයේ ඉතා සුළු වරදකට වැඩතහනමකට ලක්කළ බවත්, අනතුරු තමාගේ වෘත්තිය මට්ටම පහත හෙලු බැවින් ඉන් ඉදිරියට ඒම ආයතනයේ සේවයට වාර්තා කිරීමෙන් වැළකී සිටි බවත් පැවසී ය.
මතු පළ වන්නේ බලශක්ති අමාතය කුමාර ජයකොඩි ඒම ප්‍රකාශය කළ වීඩියෝපටය යි.
සාකච්ඡාව මෙහෙය වූයේ තළිඳු කරුණාරත්න ය.
