ලෝකප්‍රසිද්ධ මුල්‍ය උපදේශකයකු හා ග්‍රන්ථ කතුවරයකු වන රොබට් කියෝසකි පවසයි.
මිලියන 40කට වැඩි පිටපත් විකිණී ඇති"Rich Dad Poor Dad" ව්‍යාපාරික අධ්‍යාපන ග්‍රන්ථයෙ කතුවරයෙකු වන ඔහු එබව කියා සිටියේ, ඊයේ (17) කොළඹ හිල්ටන් හෝටලයේ දී කුමා ඉද්දමල්ලෙන ගේ Success Resources සංවිධානය සහ Wisdom Trainer International යන ආයතන විසින් සංවිධානය කරන ලද "Cashflow Revolution Sri Lanka 2025" වැඩසටහනේ දීය.
මූල්‍ය නිදහස අත්පත්කර ගැනීම සඳහා තමා තුළ තිබූ ධෛර්යය සහ නොපසුබට උත්සාහය වඩාත් පැහැදිළි කරමින්, එය තවත් බොහෝ දෙනා සමඟ බෙදාගත් ආකාරය පිළිබඳව රොබට් කියොසාකි මෙහිදී ඉතාම පැහැදිළි කළේය.
මූල්‍යමය දුෂ්කරතා ජයගනිමින් සාර්ථකත්වය ළඟා කරගැනීමට ආර්ථික විද්‍යාව යොදාගත හැක්කේ කෙසේද යන්න යන කාරණයද ඔහු විසින් කරුණු කාරණා සහිතව ගෙනහැර දැක්විය.
මෙම වැඩසටහන සඳහා සර්වජන බලය නායක පා.ම ව්‍යවසායක දිලිත් ජයවීර ද සහභාගි වී සිටියේය. එම අවස්ථාවේ දී රොබට් කියෝසාකී, දිලිත් ජයවීර ව උණසුම් ලෙස පිළිගනු ලැබිය.
ඔහු විසින් රචිත "Rich Dad Poor Dad" ග්‍රන්ථය පාර්ලිමේන්තු මන්ත්‍රී දිලිත් ජයවීරට ලබාදීමත්, සර්වජන බලය විසින් නිර්මාණය කළ ශ්‍රී ලංකාව ව්‍යවසායකත්ව රාජ්‍යයක් බවට පරිවර්තනය කිරීම උදෙසා වූ උපායමාර්ගික වැඩපිළිවෙළ මන්ත්‍රීවරයා විසින් රොබට් කියෝසාකී වෙත පිළිගැන්වීමත් මෙහිදී සිදුවිය.
මෙම හමුවේදී, ශ්‍රී ලංකාවේ ආර්ථිකය, ව්‍යාපාරික අවස්ථා, ව්‍යවසායකත්වය සහ තරුණයන් සඳහා මූල්‍ය අධ්‍යාපනයේ වැදගත්කම පිළිබඳ ගැඹුරු සංවාදයක් ද පැවැත්විණ.
