ඒ ඔහුව අත්අඩංගුවට ගන්නා ලෙස දන්වා කොළඹ මහෙස්ත්‍රාත් අධිකරණය විසින් ඊයේ (18) දින වරෙන්තු නිකුත් කර ඇති පසුබිමකය.
කොළඹ අපරාධ කොට්ඨාශය විසින් ඉදිරිපත් කළ කරුණු සලකා බැලූ කොළඹ අතිරේක මහෙස්ත්‍රාත් පසන් අමරසේන විසින් මෙලෙස වරෙන්තුව නිකුත් කරනු ලැබීය.
මෑතකදී නාරාහේන්පිට ප්‍රදේශයේදී තුසිත හල්ලොලුව ගේ වාහනයට වෙඩි තැබීමේ සිද්ධිය සම්බන්ධයෙන් කොළඹ අපරාධ කොට්ඨාශය විසින් විමර්ශනයක් ආරම්භ කර තිබුණි.
එම විමර්ශනය සම්බන්ධයෙන් පොලීසිය විසින් කළ ඉල්ලීමක් සලකා බැලීමෙන් අනතුරුව මහෙස්ත්‍රාත්වරයා මෙම වරෙන්තුව නිකුත් කළේය.
රතන හිමි හා රාජිතටත් වරෙන්තු !
මේ අතර පූජ්‍ය අතුරලියේ රතන හිමියන් හා හිටපු අමාත්‍ය රාජිත සේනාරත්න අත්අඩංගුවට ගැනීම සඳහා ද අධිකරණය විසින් මේවනවිට වරෙන්තු නිකුත් කර ඇත.
අපේ ජන බල පක්ෂයේ මහලේකම් වේදිනිගම විමලතිස්ස හිමියන් පැහැරගෙන යාම සම්බන්ධයෙන් අතුරලියේ රතන හිමියන්ට එසේ වරෙන්තු නිකුත් කෙරුනේ නුගේගොඩ මහෙස්ත්‍රාත් අධිකරණයෙනි.
අල්ලස් කොමිසම මගින් සිදු කරනු ලබන විමර්ශනයකට අදාළව තමන්ව අත්අඩංගුවට ගැනීම සඳහා නිකුත් කර ඇති වරෙන්තුව තාවකාලිකව අත්හිටුවන නියෝගයක් නිකුත් කරන්නැයි ඉල්ලා හිටපු අමාත්‍ය රාජිත සේනාරත්න කොළඹ මහේස්ත්‍රාත් අධිකරණයට මෝසමක් ඉදිරිපත් කර තිබේ.
කොළඹ ප්‍රධාන මහේස්ත්‍රාත් තනුජා ලක්මාලි ජයතුංග හමුවේ එම මෝසම ඊයේ (අගෝ. 18) කැඳවිය.
ඊට අදාළ කරුණු තහවුරු කිරීම සඳහා විවෘත අධිකරණයේදී කැඳවූ අවස්ථාවේදී මහේස්ත්‍රාත්වරිය පැවසුවේ, අල්ලස් කොමිසම අධිකරණයේ පෙනී සිටින අවස්ථාවක එම ඉල්ලීම සිදුකරන ලෙස ය.
ඒ අනුව, හිටපු අමාත්‍ය රාජිත සේනාරත්නගේ මෝසමින් ඉල්ලා සිටින කරුණට අධිකරණය නියෝග නිකුත් නොකළේය.
