“නීතිය සැමට සමාන බව අප පවසන විට ඔවුන් මෙතරම් දැඩි ලෙස ප්‍රතිචාර දක්වන්නේ ඇයි? ඒ ඔවුන්ගේ හෘද සාක්ෂිය ඔවුන්ට අපරාධකරුවන් බව පවසන නිසා,” යයි පැවසු ජනාධිපතිවරයා කියා සිටියේය.
මහජන ධනය හොරකම් කරන සහ නාස්ති කරන දේශපාලන සංස්කෘතිය අවසන් කරන බව පැවසී ජනාධිපතිවරයා, ඒ සදහා ගත් පියවර ආපසු හරවන්නේ නැති බව ද අවධාරණය කළේය.
ජනාධිපතිවරයා එම කාරණා සඳහන් කර සිටියේ ඊයේ (26) කොළඹදී පැවති භික්ෂු දින සැමරුමට එක්වෙමිනි.
වගවීම ශක්තිමත් කිරීම සහ යුක්තිය සහතික කිරීම සඳහා වන පුළුල් උත්සාහයක කොටසක් ලෙස මෙම ගන්නා පියවර බවත්, තමන්ගේ පරිපාලනය යටතේ කිසිදු පුද්ගලයකු නීතියට ඉහළින් නොසිටින බවත් ජනාධිපතිවරයා එහිදී අවධාරණය කළේය.
සැප්තැම්බර් මාසයේ සිට නව නීති සම්මත වූ පසු, හිටපු ජනාධිපතිවරුන්ට රජයෙන් ලබාදුන් සියලුම නිවාස රජය විසින් ආපසු ලබා ගන්නා බව ද ඔහු සඳහන් කළේය.
ජනාධිපතිවරයෙකු විශ්‍රාම යෑමෙන් පසු හිමිවන නිවසක අයිතිය ලබාදීමේ ක්‍රියාපටිපාටියේදී නීතියෙන් සීමාවක් තිබිය යුතු බවද ජනාධිපතිවරයා මෙහිදී අවධාරණය කළේය.
ඒ අනුව සැප්තැම්බර් මස පළමු සතියේදී එම නීතියේ සීමාව නීතියෙන්ම වෙනස් කරන බව ජනාධිපති අනුර කුමාර දිසානායක වැඩිදුරටත් කියා සිටියේය.
සබැඳි පුවතක් :
අපරාධ දූෂණවලට හවුල් සහ මහජන ධනය අවභාවිත කළ සියලු දෙනා නීතිය හමුවට ජනපතිගෙන් දැඩි ප්‍රකාශයක්
