ලබන 28 වනදා දක්වා රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (19) නියම කළේය.
කොළඹ අපරාධ කොට්ඨාසයේ නිලධාරීන් හා විත්තියේ නීතිඥවරුන් ඉදිරිපත් කළ කරුණු සලකා බැලීමෙන් අනතුරුව කොළඹ අතිරේක මහේස්ත්‍රාත් පසන් අමරසේන මෙම නියෝගය නිකුත් කර තිබුණි.
රනිල් වික්‍රමසිංහ ජනාධිපති සමයේ ඔහුගේ කාර්ය මණ්ඩලයේ අධ්‍යක්ෂ ජනරාල් වරයකු ලෙස කටයුතු කළ තුසිත හල්ලොලුව අත්අඩංගුවට ගෙන ඇත්තේ, මෑතකදී නාරාහේන්පිට ප්‍රදේශයේදී ඔහු ගමන්ගත් වාහනයට වෙඩි තැබීමේ සිද්ධිය සම්බන්ධයෙන් කොළඹ අපරාධ කොට්ඨාශය විසින් සිදුකෙරෙන විමර්ශනයක සැකකරුවකු ලෙසය.
ඔහු ගමන් කළ වාහනයට එල්ල වූ වෙඩි ප්‍රහාරය, සංවිධානාත්මක අපරාධකරුවන් යොදවාගෙන තුසිත හල්ඔලුව විසින් ම සිදුකරගෙන ඇති බව සැකකරු අධිකරණයට ඉදිරිපත් කරමින්, කොළඹ අපරාධ කොට්ඨාසය ප්‍රකාශ කළේ ය.
පොලිසිය අධිකරණයට කරුණු දක්වමින් සඳහන් කළේ, ජනාධිපතිවරයා සහ රජය කෙරෙහි ජනතා අප්‍රසාදය ඇති කිරීමේ අරමුණින් මෙය සිදුකර ඇතැයි, මූලික පරීක්ෂණ වලදී හෙළිව ඇති බවයි.
