1200 x 80 DMirror
 
 

 හමුදා බලෙන් රඳවාගත් ගුරු නායකයා සටන් බලෙන් නිදහස් 
 
දිගටම සටන් වදින්නට පොරොන්දු වෙමින් ගුරු නායකයා කඳවුරෙන් පිටව යයි.
 
වසංගත අනපනත් අයුතු ලෙස යොදා ගනිමින් බලහත්කාරයෙන් උතුරේ රඳවා ගෙන සිටි වෘත්තීය සමිති නායක ජෝසප් ස්ටාලින් ඇතුළු දකුණේ ක්‍රියාධාරීන් දින නමයකට පසු පිටව ගියේ තම අරගලය දිගටම ගෙනයන බවට සහතික වෙමිනි. 
 
අධ්‍යාපනය හමුදාකරණයට එරෙහිව සටන් වැදීම නිසා අත් අඩංගුවට ගන්නා ලද ඔවුන් පිරිස නිදහස් කරන ලෙස බලකරමින් උතුරේත් දකුණේත් දියත් කෙරුණු විරෝධතා ආණ්ඩුවට ඇතිකළේ දැවැන්ත බලපෑමකි.
 
කේපාපිලවූ හි පිහිටි ශ්‍රී ලංකා ගුවන් හමුදා කඳවුරෙන් ජූලි 16 දා රාත්‍රියේ පිටතට ගෙනයන පොලිස්  බසය නවතා එයින් බැසගත් ගුරු නායකයා ඇතුළු පිරිස උතුරේ මාධ්‍යවේදීන්ට තම ස්තුතිය පුදකළහ.
 
 
 
 
 
 
අනීතිකව රඳවා සිටි දුමින්ද ඇතුළු පිරිසත් නිදහස්
 
 
 
ඒ අතර ඉංජිනේරු සංස්ථා පරිශ්‍රයේදී විරෝධතාවක නිරතවීමෙන් පසු අත්අඩංගුවට ගෙන නිරෝධායනය නමින් පල්ලෙකැලේ හමුදා කඳවුරේ සිරගත කළ කම්කරු අරගල මධ්‍යස්ථානයේ සහ වෙනත් කම්කරු සංවිධානවල නියෝජිතයන් පිරිස ද නිදහස් කර තිබේ.
 
පසුගිය ජූලි 7 වැනිදා කොළඹ 2 රාමනායක මාවතේ ඉංජිනේරු සංස්ථාවේ පැවති සේවක විරෝධතාවකට සහාය පළ කිරීමේදී අත්අඩංගුවට ගත් දුමින්ද නාගමුව ඇතුළු 6 දෙනාගේ PCR පරික්ෂණවල ප්‍රතිඵල අනුව, ඔවුන්ට කොරෝනා ආසාදනයක් නොමැති බව පසුගියදා තහවුරු විය.
 
 
 
 

 
 
ජී.එස්.පී ප්ලස් බදු සහනය !
 
මෙසේ බලහත්කාරයෙන් නිරෝධායනයට රැගෙන ගිය පිරිස් නිදහස් කරන ලෙස ජාතික හා ජාත්‍යන්තර  වශයෙන් ශ්‍රී ලංකා රජයට දැඩි බලපෑමක් එල්ලවිය.
 
අධිකරණය විසින් නිදහස් කළ ලොව ප්‍රකට ජ්‍යෙෂ්ඨ වෘත්තීය සමිති නායකයකු බලහත්කාරයෙන් ගුවන් හමුදා කඳවුරක් තුළ රඳවාගෙන සිටීම ශ්‍රී ලංකාවට ජී.එස්.පී ප්ලස් බදු සහනය නොලැබී යෑමට හේතුවක් විය හැකි බවට හිටපු අගමැතිවරයා අභිනව මුදල් අමාත්‍යවරයාට අනතුරු අඟවා තිබිණ.
 
හිටපු අග්‍රාමාත්‍ය රනිල් වික්‍රමසිංහ ජුලි 09 සිකුරාදා පාර්ලිමේන්තුවේදී මුදල් අමාත්‍ය බැසිල් රාජපක්ෂට  අවධාරණය කළේ  ලංකා ගුරු සංමයේ ප්‍රධාන ලේකම් ජෝසප් ස්ටාලින් යුරෝපීය සංගමය දන්නා පුද්ගලයකු බැවින් ඔහුගේ නිදහස වෙනුවෙන් කඩිනම් පියවර ගන්නා ලෙසයි.
 

 

THE LEADER TV 
 
 
 
 
අගමැති මහින්දටත් පොහොට්ටු පක්ෂෙන් චෝදනා!
 
 
 
 
නාමල්ගේ 'ඩබල් ගේම්' කතාව
 
 
 
 

subscribeYT

subscribeYT

නවතම පුවත්