නිවේදනයක් නිකුත් කරමින් පවසයි.
එම වංචාව මගින් සැලකිය යුතු මට්ටමේ අලාභයක් සිදු විය හැකි බව එම බැංකුව විසින් ශ්‍රී ලංකා මහ බැංකුව වෙත දැනුම් දී ඇති බව එම නිවේදනයේ දැක්වේ.
එසේම, මෙම වංචාව නිසා, කිසිදු ගනුදෙනුකරුවෙකුගේ ගිණුමකට හෝ තැන්පතුවලට, බලපෑම් සිදු වී නොමැති බවත්, ශ්‍රී ලංකා මහ බැංකුව වෙත ඔවුන් දැනුම් දී ඇති බව ද අදාළ නිවේදනය සඳහන් වේ.
National Development Bank PLC විසින්, ශ්‍රී ලංකා මහ බැංකුව වෙත ලබා දී ඇති තොරතුරු අනුව, ශ්‍රී ලංකා මහ බැංකුව විසින්, විය හැකි මුල්‍ය බලපෑම පිළිබඳව පූර්ව ඇගැයීමක් සිදු කර ඇති අතර, ඒ අනුව, වාර්තා කළ අලාභය සලකා බැලීමෙන් පසුව ද, National Development Bank PLC හට, එහි ප්‍රාග්ධන ප්‍රමාණාත්මකතා සහ ද්‍රවශීලතාවය සම්බන්ධ අනුපාත, අවම නියාමන අවශ්‍යතාවලට වඩා ඉහළින් පවත්වා ගෙන යා හැකි බවට ප්‍රකාශ කර ඇති බව ද එම නිවේදනයේ දැක්වේ.
තවදුරටත් මේ සම්බන්ධයෙන් නිරීක්ෂණය කරමින් සිටින අතර, අවශ්‍ය පරිදි සුදුසු පියවර ගන්නා බව ද ශ්‍රී ලංකා මහ බැංකුව බවසයි.
අවශ්‍ය වුවහොත්, පවතින නීති සහ ශ්‍රී ලංකා මහ බැංකුව යටතේ බැංකුවලට ලබා ගත හැකි දැනටමත් ක්‍රියාත්මක ද්‍රවශීලතා ආධාරක යෝජනා ක්‍රම යටතේ, National Development Bank PLC හට, තාවකාලිකව ද්‍රවශීලතා ලබා ගැනීමේ හැකියාව පවතින බව ද ශ්‍රී ලංකා මහ බැංකුව නිකුත් කළ නිවේදනයේ වැඩිදුරටත් දැක්වේ.
රුපියල් මිලියන 380ක මූල්‍ය වංචාවක් ! - පූර්ණ පරිමාණය හෙළි කිරීමට බැංකුව අපොහොසත් !!
බ්‍රහස්පතින්දා කොළඹ කොටස් වෙළෙඳපොළ වෙත නිවේදනයක් නිකුත් කරමින් NDB බැංකුව සඳහන් කර ඇත්තේ මෙම අභ්‍යන්තර වංචාවේ නිශ්චිත පරිමාණය මෙතෙක් අනාවරණය කර ගැනීමට ඔවුන් අපොහොසත් වී ඇති බවයි. දැනට රුපියල් මිලියන 380ක පමණ වංචාවක් පිළිබඳ මූලික "ඉඟි" ලැබී ඇති අතර, මේ වන විට අදාළ අපරාධ පරීක්ෂණ සහ අභ්‍යන්තර පරීක්ෂණ ක්‍රියාත්මක වෙමින් පවතින බව බැංකුව පවසයි.
මෙම අර්බුදකාරී තත්ත්වය හමුවේ වුවද, තැන්පත්කරුවන්ගේ මුදල් "සුරක්ෂිත සහ සම්පූර්ණයෙන්ම ආරක්ෂිත" බවට බැංකුව සහතික වී ඇත. බොහෝ වාණිජ බැංකු මෙන්ම NDB හි ද මූල්‍යන කටයුතුවලින් 80%කට වඩා සමන්විත වන්නේ පාරිභෝගික තැන්පතු වලිනි.
බැංකුවේ විශාලතම කොටස්කරු වන්නේ නෝර්වේ රජයට අයත් NORFUND ආයතනය (9.94%) වන අතර, දෙවන විශාලතම ආයෝජකයා වන්නේ සේවක අර්ථසාධක අරමුදලයි (EPF - 9.46%). මීට අමතරව සේවක භාරකාර අරමුදල (ETF) සහ ශ්‍රී ලංකා රක්ෂණ සංස්ථාව ද මුල්පෙළේ ආයෝජකයින් 20 දෙනා අතර වේ.
ශ්‍රියන් කුරේ මහතාගේ සභාපතීත්වයෙන් සහ කැලුම් එදිරිසිංහ මහතාගේ (ප්‍රධාන විධායක නිලධාරී) නායකත්වයෙන් යුත් NDB බැංකුව, මෑතකදී සිය ඉතිහාසයේ ඉහළම බදු-පසු ලාභය ලෙස රුපියල් බිලියන 11ක් වාර්තා කළේය. බැංකුවේ සමස්ත වත්කම් ප්‍රමාණය රුපියල් බිලියන 935.8ක් දක්වා වර්ධනය වී ඇති අතර එහි ප්‍රාග්ධන මට්ටම් ද නියාමන අවශ්‍යතාවලට වඩා ඉහළ මට්ටමක පවතී.
කෙසේ වෙතත්, බැංකුවක මූල්‍ය සුරක්ෂිතභාවය සහ අවදානම් කළමනාකරණය ඇතුළු සියලුම කටයුතු සම්බන්ධයෙන් අවසාන වශයෙන් වගකිව යුත්තේ එහි අධ්‍යක්ෂ මණ්ඩලය බව ආයතනික පාලනය පිළිබඳ නියාමන රෙගුලාසි වල දැක්වේ.
පසුගිය මාර්තු 17 වන දා පැවති ආයෝජක හමුවකදී බැංකුවේ ප්‍රධාන අවදානම් නිලධාරී ඇලෙක්ස් පෙරේරා මහතා ද සයිබර් අවදානම් සහ නවීන මූල්‍ය වංචාවන්හි ස්වභාවය පිළිබඳව අදහස් දක්වමින්, ඒවාට මුහුණ දීම සඳහා බැංකුව ආරක්ෂිත පියවරයන් ගෙන ඇති නමුත් එය නිරන්තරයෙන් පරිණාමය වන තර්ජනයක් බැවින් සම්පූර්ණයෙන්ම වළක්වා ගැනීම දුෂ්කර බව ප්‍රකාශ කර තිබුණි.
NDB discloses Rs. 13.2 billion internal fraud
