ලෙස අපේ රට ලෝකය හමුවේ නිරුවත් කිරීමට වත්මන් රජය කටයුතු කර ඇතැයි පාර්ලිමේන්තු මන්ත්‍රී එස්.එම්. මරික්කාර් පවසයි.
ඔහු පාර්ලිමේන්තුව අමතමින් එබව කියා සිටියේ පසුගියදා කොරෝනා ආසදනයවී මියගිය මට්ටක්කුලිය ප්‍රදේශයේ බිලිඳා සම්බන්ධයෙන් දැඩි සංවේගයෙන් යුතුව අදහස් දක්වමිනි.
එහිදී ඔහු මෙසේද පැවසිය.
''අනිත් පැත්තෙන් PCR පරීක්ෂණ ඉල්ලන සිරකරුවන්ට වෙඩි තියනවා. අනිත් පැත්තෙන් දවස් 20ක් වයසැති බිළිදෙක්, ඒ දරුවා කරපු වරද මොකක් ද? පිච්චෙන්න.
අනිත් එක තමයි ඒකෙ තියන පුදුම සහගත කාරණය කියන්නේ ගෙදර ඉන්න අම්මට, තාත්තට, එහෙම නැත්තම් සීයට, ආච්චිට කෝවිඩ් නෑ. දරුවට කෝවිඩ් ආවේ කොහොමද කියන සැකය අපිට තියෙනවා.
ඒ නිසා වර්තමාන ආණ්ඩුවේ මේ මූලික අයිතිවාසිකම් උල්ලංඝනය කිරීම අපි හෙලා දකිනවා වගේම දැඩි පිළිකුලෙන් යුතුව විවේචනයට ලක්කරන්න කැමතියි.
මොකද හේතුව, අනිත් පැත්තෙන් ලෝක සෞඛ්‍ය සංවිධානය ලබා දෙන නිර්දේශ අනුව සියල්ලම කරනව කියනවා. එහෙනම් ලෝක සෞඛ්‍ය සංවිධානය ලබා දෙන බෙහෙත් පාවිච්චා කරන්න කියනවා.
දැන් අපි මුව ආවරණ පළදිනවා කෝවිඩ්වලින් බේරෙන්න, මේ මුව ආවරණ පුච්චනවද? අනිත් පැත්තෙන් මේ කෝවිඩ් රෝගීන් නාන වතුර අපජලයත් එක්ක යනවා. එතකොට මේවා කොහේට ද මේ යන්නේ ? එතකොට ඒකෙන් මේ කොරෝනා බෝ වෙන්නේ නැද්ද ?
මේ ආණ්ඩුව අද මිය යන මුස්ලිම් අයට පමණක් නෙවෙයි, සිංහල බෞද්ධයන්ටත් පාංශුකූලය ලබා දීමේ අයිතිය නැති කරපු ආණ්ඩුවක් කියන එක අපි පැහැදිලිව කියන්න ඕන.
''මේ ආණ්ඩුව අද මිය යන මුස්ලිම් අයට පමණක් නෙවෙයි, සිංහල බෞද්ධයන්ටත් පාංශුකූලය ලබා දීමේ අයිතිය නැති කරපු ආණ්ඩුවක් කියන එක අපි පැහැදිලිව කියන්න ඕන. ''