රුපවාහිනී 'ෂෝ' වලට යන දේශපාලනඥයින්ට ද එයින් වැදගත් පාඩමක් ලබාගත හැකි බව කලම්බු ටෙලිග්‍රාෆ් වෙබ් අඩවියේ කතෘ උවිඳු කුරුකුලසූරිය සිය FB පිටුවේ සටහනක් තබමින් මෙසේ සඳහන් කර ඇත.
ගොන් ප්‍රශ්න ඇහැව්වොත් වෙන දේ බලාගන්න මයික්-මාධ්‍යකට්ටිය. එක පාරක් මාග්‍රට් තැචර්ට චෝදනාවක් කලා "සමහරු එහෙම කියනවා" කියල. Who are they? Name them! (ඔවුන් කවුද? නම් කරන්න!) කියල තැචර් කිව්ව. වැඩේ එතනින් ඉවරයි. ඔය රූපවාහිනී ටෝක් ශෝ වලට යන දේශපාලනඥයින්ටත් මාලිංගගෙන් යමක් ඉඟෙන ගන්න තියෙනව. ඒවගේම ඔය මයික්-මාධ්‍ය සෙට් එකටත්.
මේ සම්බන්ධයෙන් සිය FB පිටුවේ සටහනක් තබා ඇති තිලාන් ජයසේකර මෙසේ සඳහන් කර ඇත.
''කැමරාවයි මයික් එකයි අටවගෙන අර ආණ්ඩුවෙන් දුන්න මාධ්‍යවේදී හැඳුනුම්පත බෙල්ලෙ එල්ල ගත්තට පස්සේ ඕනි එකෙකුට මයික් එක දික් කරලා ඕනි දෙයක් අහන්න පුළුවන් කියලා හිතන මාධ්‍යවේදී උන්නැහේලා උස්සලා පොලවේ ගැහුවා වගේ වැඩක් තමා මාලිංග ඊයේ කරන්නේ.
ක්‍රිකට් දන්න මාලිංගගෙන් ක්‍රිකට් ගැන මෙලෝ මල සසරක් නොදන්න ඕපදූප පප්පෙක් හෙන ගෙං ප්‍රශ්ණ ටිකක් අහගෙන යද්දි මාලිංගට උනත් දෙන්න වෙන උත්තරයක් නෑ. කොහොම උනත් ඒ උත්තරෙන් රිදුන රූපවාහිණිය තමන් රටේ ජාතික නාලිකාව කියන එකත් අමතක කරලා නිකං ගොසිප් සයිට් එකක වගේ හෙඩිමකුත් එක්ක තමා මාලිංගගේ වීඩියෝව පල කරන්නේ.
