කටයුතු පිළිබඳ විශාරදයෙක් පවසයි.
ජනාධිපති නීතිඥ, ආචාර්ය ජයම්පති වික්‍රමරත්න ඒ බව කියා සිටියේ ජනාධිපතිවරණයක් පවත්වනු වෙනුවට ජනාධිපතිවරයාගේ සහ පාර්ලිමේන්තුවේ ධුර කාලය තවත් වසරකින් දීර්ඝ කළ යුතු බවට මතුවන තර්කය පිළිබඳව Sandeshaya by Saroj නාලිකාව සමග අදහස් දක්වමිනි.
"කිසියම් විශේෂ හේතුවක් නිසා" ජනාධිපති රනිල් වික්‍රමසිංහ ජනාධිපතිවරණය මාස කිහිපයකින් කල් දැමීමට ඉඩ තිබෙන බවට රුසියාවේ හිටපු තානාපති උදයාංග වීරතුංග 'සංදේශය' නාලිකාව සමග මීට ඉහතදී කළ ප්‍රකාශය ගැන ප්‍රතිචාරය පළ කරමින් ආචාර්ය වික්‍රමරත්න කියා සිටියේ, එය උපකල්පිත කරුණක් බැවින් මේ අවස්ථාවේ ඒ පිළිබඳව අදහස් දැක්වීම අසීරු බවය.
රාජ්‍ය නායකයා ආණ්ඩුක්‍රම ව්‍යවස්ථාව කඩ කළාම දඬුවමක් නැද්ද?
සාමාන්‍ය නීතිය උල්ලංඝනය කරන පුද්ගලයින්ට අධිකරණය දැඩි දඬුවම් පමුණුවද්දී, රටේ උත්තරීතරම නීතිය උල්ලංඝනය කරන රාජ්‍ය නායකයින්ට දඩ මුදල් පැනවීම පමණක් ප්‍රමාණවත් දැයි 'සංදේශය' නාලිකාවේ සරෝජ් පතිරණ කළ විමසීමට පිළිතුරු දුන් ජනාධිපති නීතිඥ, ආචාර්ය වික්‍රමරත්න අනාගත ව්‍යවස්ථා සංශෝධනයකදී ඒ පිළිබඳවත් සිතා බැලිය යුතු බව කියා සිටියේය.
ව්‍යාජ හේතු දක්වමින් නීතිපති සංජය රාජරත්නම් ගේ ධුර කාලය දීර්ඝ කිරීමට ජනාධිපති රනිල් වික්‍රමසිංහ විසින් දරන උත්සාහය පිළිබඳව ද ඔහු කරුණු දැක්වීය.