සැබෑ සිදුවීම් ප්‍රබන්ධයක් බවට පත් කිරීමේ සීමාවන් සහ ගූඪ දේශපාලන බල අරගලය ගැන රනිල් ජයසිංහ කළ සුවිශේෂී විවරණය.
ලාංකීය මතු නොව සමස්ත ලෝකයේ ම දේශපාලනය යනු කිසිවකුට, කිසිදු දිනක එහි සැබෑ තත්තවය හඳුනාගත නොහැකි ක්ෂේත්‍රයකි. එහි: ඇසට පෙනෙන, සවනට ඇසෙන කිසිවක් ම සැබෑ යථාර්ථය නොවේ. එම ක්ෂේත්‍රය තුළ සිදුවන බොහෝ දේ නොව සියල්ල ම පාහේ ගූඪත්වයෙන් අනූන ය; අදිසි හස්ත විසින් පාලනය කරනු ලබන්නේ ය.
එලෙස අදිසි හස්ත විසින් පාලනය කරනු ලබන, ගූඪමය ක්ෂේත්‍රයේ සිදුවන සියල්ල පාලනය කරනු ලබන්නේ ද නොපෙනෙනසුලු/ ඇස නොගැටෙන (Inconspicuous) පුද්ගලයින්/ කණ්ඩායම්/ සංවිධාන විසිනි. එහි දී කිසියම් අබිරහස් කටයුත්තක නිර්මාතෘ ද, එය මෙහෙයවන්නා ද එක් නිමේෂයක එම කණ්ඩායමේ ම, සංවිධානයේ ම බිල්ලක් විය හැකි ය. ඇතැම් විට අදාළ සිද්ධිය මෙහෙයවන සමස්ත කණ්ඩායම ම එසේ බිලි විය හැකි ය. ඒ අන්කිසිවක් නිසා නොව සංවිධානයේ පැවත්ම උදෙසා ම ය.
ලේඛක රනිල් ජයසිංහ විසින් ප්‍රබන්ධිත ''වෘත්ත චතුරස්‍රය'' නමැති සාහිත්‍ය කෘතිය ද යට කී සිද්ධි පාදක කරගනිමින් රචිත කෘතියකි.
මතු පළ වන්නේ එම කෘතිය සම්බන්ධයෙන් එහි ප්‍රබන්ධකරු වන රනිල් ජයසිංහ, The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග කළ සාකච්ඡාව අන්තර්ගත වීඩියෝව යි.
(සටහන - ජයසිරි අලවත්ත)
