විශ්වාස නොකළත් ඒක ම තමයි ඇත්ත කතාව.
ඔහු තමයි විමුක්ති දිලංක ප්‍රනාන්දු; කුඩා අවධියේ සිට ම පරිගණකය අතටත් මනසටත් හුරු කරගත් විමුක්ති හඹා ගියේ වීඩියෝ ක්‍රීඩා පසුපස නොවේ; ඔහු හඹා ගියේ පරිගණකය උපයෝගි කරගෙන කළ හැකි නව නිර්මාණ මොනව ද යන්න පිළිබඳ සොයා බලන්න; ඒ ඇසුරෙන් නිර්මාණ කරන්න.
අද වන විට ඔහුගේ ඒ උත්සාහයේ ප්‍රතිඵල ලැබිල තියෙනවා. ඒ, සිනමාකරණ සහ රූපවාහිනී නිෂ්පාදන තාක්ෂණය පිළිබඳ ශ්‍රී ලංකා වෘත්තීය තාක්ෂණ විශ්වවිද්‍යාලයේ (UOVT) උපාධිය වෙනුවෙන් නිර්මාණය කළ පළමු නිර්මාණය වන “Whispered Echoes” කෙටි චිත්‍රපටයට සම්මාන රැසක් ම හිමි කර ගැනීම යි.
ඔහුගේ “Whispered Echoes” කෙටි චිත්‍රපටයට මේ සම්මාන හිමි වෙන්නෙ Onscreen 25 සම්මාන උළෙලෙ දි.
එහි දී “Whispered Echoes” කෙටි චිත්‍රපටයට: හොඳම සංස්කරණය (Best Editor), හොඳම කැමරා අධ්‍යක්ෂණය (Best Cinematography), හොඳම රංගන ශිල්පියා - ජූරියේ විශේෂ සම්මාන (Special Jury Award for Best Actor) සහ හොඳම කෙටි චිත්‍රපටය සඳහා නිර්දේශ වීම (Nominee Best Short Film) ද ඇතුළත් වෙනවා.
ඊට අමතරව මෙම කෙටි චිත්‍රපටය 14වන 'Agenda 14' කෙටි චිත්‍රපට උළෙල ද නියෝජනය කරමින් Student Academy Awards 2023 (1313 Vine Street Hollywood) ජාත්‍යන්තර චිත්‍රපට උළෙලට ඉදිරිපත් කිරීමට ද සුදුසුකම් ලබනවා.
The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග අද එක් වන්නේ ඒ සම්මානනීය තරුණ අධ්‍යක්ෂකවරයා වන විමුක්ති දිලංක ප්‍රනාන්දු යි.
මතු පළ වන්නේ The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග ඔහු කළ සම්මුඛ සාකච්ඡාව ඇතුළත් සම්පූර්ණ වීඩියෝව යි.
(සටහන - ජයසිරි අලවත්ත)