කමලා දාස්ගේ සිට මහාචාර්ය එදිරිවීර සරච්චන්ද්‍ර දක්වා වූ සාහිත්‍ය කලා නිර්මාණකරණයේ යෙදෙන පුද්ගලයෝ ද, බොබ් මාලේගේ සිට ලතා මංගේෂ්කාර් දක්වා වූ සියලු ගායක ගායිකාවෝ ද, අකිර කුරසාවාගේ සිට ඩේවිඩ් ලින්ච් දක්වා වූ සියලු සිනමාවේදීන් ද චේ ගුවේරාගේ සිට නෙල්සන් මැන්ඩෙලා දක්වා වූ දේශපාලන සටන් කාමිහු ද තව ලොව බොහෝ පුද්ගලයෝ සිය චරිතාපදානය තමන් විසින් ම ලියන ලද්දේ හෝ ලියවා ගන්ත්තේ ඔවුන් සමාජය තුළ දැවැන්ත සිවිල් චරිතයක් බවට පත් වූ පසුව ය.
නමුත් ''සරග'' සාහිත්‍ය කලා වින්දනීය අඩ හෝරාව තුළින් අද ඔබ සම්මුඛ වන්නේ කිසිදු සිවිල් බලයක් නොතිබිය දී සිය චරිතාපදානයෙන් කොටසක් Face book වෙත ලියා, අනතුරුව එම ලියවිල්ල කෘතියක් ලෙස සමාජ ගතකළ ලේඛකයෙකි. ඔහු නමින් ස්ටැන්ලි පෙරේරා ය. ඔහුගේ ස්වයංලිඛිත චරිතාපදානය හෙතෙම හඳුන්වන්නේ ''කොහොම හරි ගොඩ ගියා'' යන මැයෙනි.
මතු පළ වන්නේ: The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග ස්ටැන්ලි පෙරේරා සිය ස්වයං ලිඛිත චරිතාපදානය වන ''කොහොම හරි ගොඩ ගියා'' කෘතිය පාදක කරගෙන කළ සම්මුඛ සාකච්ඡාව අන්තර්ගත සම්පූර්ණ විඩියෝව යි.
(සටහන - ජයසිරි අලවත්ත)
