එලෙස පවතින නීතිය ක්‍රියාත්මක කිරීමේ දී අවම පද්ධති ත්‍රිත්වයක් එකම දාමයක් ලෙස පවතී. ඒ: පොලිසිය, අධිකරණය සහ බන්ධනාගාර දෙපාර්තමේන්තුව යි.
පුද්ගලයකු අධිකරණ තීන්දුවකින් වැරැදිකරුවකු හෝ වැරැදිකාරියක වන තුරු ඔහු හෝ ඇය සැකකරුවෙක් හෝ සැකකාරියක පමණි. මෙබඳු සැකකරුවන්ට හෝ සැකකාරියන්ට පවතින නීතියට අනුව අධිකරණය: ඇතැම් අයට ඇප නියම කරයි; ඇතැම් අය දින 14ක් රක්ෂිත බන්ධනාගාර (රිමාන්ඩ්) ගත කරයි; ඇතැම් අය නඩු විභාගය අවසන් වන තෙක් රක්ෂිත බන්ධනාගාර ගත කරයි.
වැරැදිකරුවකු හෝ වැරැදිකාරියක වුව ද නොවූව ද බොහෝ විට පුද්ගලයකු ගේ ජීවිතයේ අසීරු ම අවධිය වන්නේ මෙකී රක්ෂිත බන්ධනාගාර ගත වන සමය යි.
බහුතරයකට එසේ වුව ද නිලය, මුදල් බලය, දේශපාලන බලය යනාදි බල කේන්ද්‍රීය පුද්ගලයින් ඒ අසීරු ම අවධිය පවා සුඛෝපභෝගි ලෙස ගත කරයි; වෙනසකට පවතින්නේ බාහිර සමාජය සමග සජිවී ඇසුරක් පැවැත්වීමට නොහැකි වීම පමණි; නමුත් මේ වන විට පවතින තාක්ෂණික ක්‍රම ද උපයෝගි කරගනිමින් ඔවුන් සමස්ත ලෝකය සමග ම සම්බන්ධතා පවත්වයි.
පොලිසියෙන් ඇරඹී අධිකරණය හරහා බන්ධනාගාරය තෙක් දිවෙන මෙම චක්‍රයෙහි පවත්නා අති දුෂ්කර දිවි පෙවෙත සහ රාජ්‍ය පද්ධතියේ පවත්නා දුර්වලතාව හේතුවෙන් අන්ත අසරණභාවයට පත්වන මිනිස්සු පිළිබඳ රාජ්‍යයේ අවධානය අනිවාර්යයෙන් ම යොමු විය යුතු ය.
ඒ සඳහා පුරවැසියකු ලෙස මැදිහත්වන්නේ කෙසේ ද යන්න පිළිබඳව තමන්ට හැකි පමණින් දායක විය හැකි මට්ටමින් රචනා වූ කෘතියක් සහ කතුවරයෙක් අපට මුණ ගැසුණි. ඒ කතුවරයා නම් සම්මානිත කවර නිර්මාණ ශිල්පියකු, මාධ්‍යවේදියකු මෙන් ම කවියකු ද වන මො. ල. සෙනෙවිරත්න ය; ඔහු විසින් රචිත කෘතිය නම් කර ඇත්තේ ''සිපීර්'' යන්වෙනි.
The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග අද එක් වන්නේ එම කතුවරයා ය; ඒ, සිපීර් කෘතිය සහ එය රචනා කිරීමට හේතුපාදක වූ කරුණු සහ එහි අරමුණ පිළිබඳව සාකච්ඡා කිරීම සඳහා ය.
මතු පළ වන්නේ මො. ල. සෙනවිරත්න The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග කළ සම්පුර්ණ සාකච්ඡාව අන්තර්ගත විඩියෝව යි.
(සටහන - ජයසිරි අලවත්ත)
