මෙන්න මේ නිසා ම මිනිස්සු මිනිස්සු අතර නොයෙක් ආකාරයේ ගැටුම් ඇති වෙනවා; හිත් රිදීම් ඇති වෙනවා; එක් මිනිසෙක්, තවත් මිනිසෙක් හෝ කණ්ඩායමක්, තවත් කණ්ඩායමක් අත්හරින තත්ත්වයට පත් වෙනවා. එහෙමත් නැති නම් ඒ අනිකා ඉවත් කරන්න උත්සාහ කරනවා.
නමුත් තමන් රිසි සේ තමා ගේ නිදහස භුක්ති විඳිනවා; ඒ අතර අනෙකා ගේ නිදහසට බාධා පමුණුවනවා.
එහෙම නම් අපි මේ තත්ත්වයෙන් මිදිලා මගේ නිදහස අනෙකාට ද ලබා දිය යුතුයි හෝ ඔහුට හෝ ඇයට ද එම නිදහස ම තිබිය යුතුයි, මා ඇගේ හෝ ඔහු ගේ නිදහසට බාධා නොකළ යුතුයි යන ස්ථාවරයට ඔබටත් මටත් පත් වෙන්න පුළුවන් නම් මම හිතන්නෙ ලෝකය මීට වඩා ලස්සන වේවි.
The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග අද එකතු වෙන කැළුම් වැලිගම විසින් රචිත ''අසීමා'' කෘතිය තුළින් කතා කරන්නෙ යට සඳහන් කළ 'මා මගේ නිදහස භුක්ති විදිනවා මෙන් ම අනෙකා ගේ නිදහස භුක්ති විදිමට ද අවස්ථාව සැලසිය යුතුයි' යන සංකල්පය යි.
මතු පළ වන්නේ ස්වයං උපකාරක දේශකයකු මෙන් ම ප්‍රබන්ධකරුවකු ද වන කැළුම් වැලිගම The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව සමග කළ සම්පූර්ණ සාකච්ඡාව අන්තර්ගත වීඩියෝව යි.
(සටහන - ජයසිරි අලවත්ත)
