ඒ අතීතයේ අපි වින්දෙ අනන්ත අප්‍රමාණ දුක් වෙන්න පුළුවන්; නමුත් අපි ඒවා සිහිපත් කරන්නෙ හරි ම සතුටින්.
මේ ඒකට හොඳ උදාහරණයක්...
''ගමට විදුලි එළිය ලැබුණට පස්සෙ ලාම්පු එළියෙන් ලැබුණ ඒ අපූර්වත්වය ගමෙන් ඈතට යන්න ගියා.''
ඇත්තට ගත්තොත් ලාම්පු එළියෙන් කිසිම අපූර්වත්වයක් ලැබුණෙත් නැහැ; ලැබෙන්නෙත් නැහැ. නමුත් අපි අතීතය සිහිපත් කරද්දි කියන්නෙ එහෙම යි. මේකට කියන්නෙ ''අතීත කාමය'' එහෙමත් නැති නම් ''අතීතයට ඇති කැමැත්ත'' කියල.
යට සඳහන් කරපු අතීත කාමය පදනම් කරගෙන ලේඛක ලේඛිකාවො ඇති තරම් සාහිත්‍ය නිර්මාණ කරල තියෙනවා. හැබැයි ඒ බහුතරයක් 'මුල, මැද සහ අග' ආකෘතියෙන් ලියවුණ සාහිත්‍ය ප්‍රබන්ධ.
අද අපි The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව වෙන් කරන්නෙ අතීත කාමය වුව ද වෙනත් ආකෘතියකින් ඉදිරිපත් කරපු කෘතියක් පිළිබඳව යි. කෘතිය ''හීන එක්ක හිනාවෙන්න''; ලේඛිකාව සුනිලා ජයන්ති බාලසූරිය.
මතු පළ වන්නේ The Leader TV ඉදිරිපත් කරන ‘‘සරග’’ සමග සුනිලා ජයන්ති බාලසූරිය ලේඛිකාව සිය අතීතකාමී කෘතිය පිළිබඳව කළ කතාබහ යි.
(සටහන - ජයසිරි අලවත්ත)
