දරුවන් 2600 කට ළමා විය අහිමි කිරීමේ වෑයමක් ව්‍යවර්ථ වූ හැටි - 'දරුවන්ට එරෙහි අපරාධයක්'

සමාජ මාධ්‍යවල ප්‍රබල අවදානයට ලක්වෙලා.

මට මතක් වෙනව 2010 අවුරුද්දෙ අගමැති දිමු ජයරත්න මේ වගේම ළමා අපයෝජනයක් කරන්න උත්සහ කළා. බුදු දහම ගොඩ නංවන්න සහ දරුවන් දිළිඳු කමෙන් මුදාගන්න කියල ඔහු සූදානම් වුණේ එකවර දරුවෝ 2600ක් සසුන්ගත කරන්න. ඒ සිද්ධාර්ථ ගෞතමයින් බුද්ධත්වය අවබෝධ කර ගැනීමේ 2600 වෙනි සංවත්සරය වෙනුවෙන්.

ඒත් දරුවන් දිළිඳු කමෙන් ගොඩ ගන්න ඒ දරුවන්ට දෙමාපිය සෙනෙහස අහිමි කරන්න ඕනෙද?

අද වගේ නෙවෙයි එදා සමාජ මාධ්‍ය තිබුණේ නෑ. අනික ඒ කාලේ අපේ සමාජයත් අදට වඩා ගොඩක් අන්තවාදී තැනක හිටියේ. ඒ නිසා "බෞද්ධ විරෝධී" කියල හංවඩු ගැහේවි කියල බයෙන් අගමැතිවරයාගේ මේ ළමා අපයෝජනයට විරුද්ධ වෙන්න සමාජයේ ගොඩක් දෙනා අදි මදි කළා.  

නමුත් බීබීසී ය වෙනුවෙන් මම අදහස් විමසපු වෙලාවේ ලංකාවේ බොහෝ දෙනාගේ ගෞරවයට ලක්වුණ ළමාරක්ෂක ක්‍රියාධරයින් පිරිසක් බොහොම උනන්දුවෙන් මේ ළමා අපචාරයට තරයේ විරුද්ධ වුණා.

ඔවුන් එක්ක එකතු වෙලා දරුවන් 2600කගේ ළමා විය අහිමි කරලා අපයෝජනයට ලක්වීමේ තර්ජනයෙනුත් ඔවුන් බේරාගන්න යාන්තමින් හෝ මැදිහත්වෙන්න හැකිවීම ගැන මම අදත් හදවතින්ම සතුටු වෙනව.

සම්පූර්ණ කතාව වීඩියෝවේ.

(සරෝජ් පතිරණ)
බීබීසී සිංහල සේවයේ හිටපු ජ්‍යෙෂ්ඨ සම්පාදක