මෙය සාමාන්‍ය පොත් ප්‍රදර්ශනයකින් ඔබ්බට ගිය සුවිශේෂි සාහිත්‍ය උළෙලකි.
දවස් හයක් පුරා උදෑසන 9 සිට රාත්‍රී 9 දක්වා මෙම උළෙල පැවැත්වෙන අතර, මෙය සංවිධානය කරනු ලබන්නේ ශ්‍රී ලංකාවේ ප්‍රධානතම පොත් ප්‍රකාශන ආයතන පහක් විසිනි.
ශ්‍රී ලංකාවේ ප්‍රථම වරට පැවැත්වෙන මෙම සාහිත්‍ය උත්සවයේදී අපගෙ ප්‍රධාන භාෂා තුන වන සිංහල, ඉංග්‍රීසි සහ දෙමළ භාෂාවන්ට නිසි නියෝජනයක් ලබා දී ඇත.
මෙම උළෙල පැවැත්වෙන්නේ මහජනයාට පහසුවෙන් ළඟා විය හැකි ස්ථානයක් වන Colombo Arcade පරිශ්‍රයේ දී ය. ශ්‍රී ලංකාවේ සියලු සමාජ ස්ථර නියෝජනය කරන පුළුල් පාඨක සමාජයක් මෙයට සහභාගි වනු ඇතැයි අපේක්ෂා කෙරේ.
මෙම සාහිත්‍ය උළලේ දී දේශීය හා විදේශීය සාහිත්‍යධරයින් ගේ සහ විද්වතුන්ගේ සහභාගිත්වයෙන් යුතුව විවිධ සාකච්ඡා හා සම්මන්ත්‍රණ පැවැත්වීමට සියලු කටයුතු සූදානම් කර ඇත.
මෙහි දී ප්‍රධාන වශයෙන් දේශීය හා විදේශීය සාහිත්‍යයේ නවින ප්‍රවණතා සහ අනාගත දිශානති සාකච්ඡාවට බඳුන් කෙරේ.
මෙම සාහිත්‍යයේ උළෙලේ සුවිශේෂිතා :-
■ විවිධ සාහිත්‍ය මාතෘකා යටතේ කෙරෙන විද්වත් සංවාද සහ සම්මන්ත්‍රණ
■ දේශීය හා විදේශීය පොතපත එකම වහලක් යටින් මිලදී ගැනීමේ අවස්ථාව
■ උසස් සංගීතය රසවිඳිය හැකි සංගීත සන්ධ්‍යාවන්
ඉතින් මෙවර The Leader TV ඉදිරිපත් කරන ‘‘සරග’’ සාහිත්‍ය කලා වින්දනීය අඩ හෝරාව මෙම සාහිත්‍ය උලෙල වෙනුවෙන් වෙන් කිරීමට අපි තීරණය කළෙමු.
මතු පළ වන්නේ මෙම උලෙළෙහි අධ්‍යක්ෂවරයකු ලෙස කටයුතු කරන ප්‍රදීප් සමරනායක සහ Curator (කියුරේටර් /අභිරක්ෂක) ලෙස කටයුතු කරන අනෝමා රාජකරුණා‘‘සරග’’ සාහිත්‍ය කලා වින්දනීය අඩ හෝරාව සමග කල සාකච්ඡාව අන්තර්ගත වීඩියෝව යි.
සටහන - ජයසිරි අලවත්ත
