විදුලි ව්‍යාපෘතියකට ප්‍රදානය කිරීමට බලාපොරොත්තු වන බව බලශක්ති අමාත්‍ය ඉංජිනේරු කුමාර ජයකොඩි අද (15) පැවසීය.
මන්නාරම ප්‍රදේශයේ සුළං විදුලි ව්‍යාපෘති දෙකක් තාවකාලිකව අත්හිටුවීමට ගත් පියවර පිළිබඳව දැනුවත් කිරීමට රජයේ ප්‍රවෘත්ති දෙපාර්තමේන්තුවේදී අද (15) පැවැති විශේෂ මාධ්‍ය හමුවේදී අමාත්‍ය ඉංජිනේරු කුමාර ජයකොඩි එසේ සඳහන් කළේය.
‘අදානි’ සමාගමට එහිදී මන්නාරමේ මෙගාවොට් 250 ක සහ පුනරින්වල මෙගාවොට් 234 ක සුළං විදුලි බලාගාර ව්‍යාපෘති දෙකකට ඉඩම් වෙන්කර තිබූ බවත් එම සමාගම මේ වන විට එම ව්‍යාපෘති දෙකෙන්ම ඉවත්ව ඇති බවත් අමාත්‍යවරයා කීය.
එම ඉඩම් දෙක අවශ්‍යතාව මත ජාත්‍යන්තර ටෙන්ඩර් කැඳවා ‘අදානි’ සමාගමට හෝ වෙනත් ඕනෑම සමාගමකට ප්‍රදානය කළ හැකි බවත් එහිදී සාර්ථක සහ අඩුම මිලට ටෙන්ඩරය ප්‍රදානය කරන බවත් අමාත්‍ය ජයකොඩි පැවසීය.
මන්නාරම් දූපත තුළ ඇති ඉඩම දූපතේ ජනතා නියෝජතයන්ගේ කැමැත්ත මත එම ව්‍යාපෘතියට යොදාගැනීමට පසුගිය 13 වැනිදා ජනාධිපවරයාගේ ප්‍රධානත්වයෙන් පැවැති සාකච්ඡාවේදී එකඟතාවයකට පැමිණි බව කී අමාත්‍ය කුමාර ජයකොඩි, පුනරින්වල ඇති ඉඩම සම්බන්ධයෙන් කිසිඳු ගැටලුවක් නොමැති බව ද සඳහන් කළේය.
පුනරින්වල ඉදිරිකිරීමට නියමිතව තිබූ මෙගාවොට් 234 ක සුළං විදුලි ව්‍යාපෘතියේ සම්ප්‍රේෂණ මාර්ගය සම්බන්ධව මේ වන විට ගැටලුවක් ඇති බවත් ඒ අනුව සම්ප්‍රේෂණ මාර්ග සම්පූර්ණ කිරීමට අවශ්‍ය මුලික වැඩකටයුතු කරගෙන යන අතරේම එම ව්‍යාපෘතියට නැවත ටෙන්ඩර් කැඳවිය හැකි බවත් බලශක්ති අමාත්‍ය ඉංජිනේරු කුමාර ජයකොඩි වැඩි දුරටත් සඳහන් කළේය.
මන්නාරමේ ‘සුළං’ විදුලි ව්‍යාපෘති ගැටලුවට කමිටුවක්
එම කමිටුවට පරිසර අමාත්‍යංශය, වන සංරක්‍ෂණ දෙපාර්තමේන්තුම, මධ්‍යම පරිසර අධිකාරිය, ජල සම්පාදන මණ්ඩලය, ඉඩම් ගොඩකිරීමේ සහ සංවර්ධන මණ්ඩලය, භූ විද්‍යා, සමීක්‍ෂණ හා පතල් කාර්යංශය යන ආයතනවලින් නිලධාරියා බැගින් සහ විදුලිබල මණ්ඩලය සහ සුනිත්‍ය බලශක්ති අධිකාරිය යන ආයතනවල නිලධාරීන් ඇතුළත් බවත් එම කමිටුව ලබන සතියේ රැස්වී සතියක් තුළ ප්‍රශ්නවලට දියහැකි විසඳුම් සහ ඒවා දියහැකි කාලය සම්බන්ධ වාර්තාවක් දෙන ලෙස දැනුම් දුන් බවත් ලේකම්වරයා කීය.
මාසයක් තුළ කමිටු වාර්තාව ලබාගෙන අවශ්‍ය විසඳුම් ලබාදෙන බව අමාත්‍යංශ ලේකම්වරයා සඳහන් කළේය.
