තවමත් ඉදිකිරීම් අවසන් නොමැති බව හිටපු අමාත්‍ය සහ පිවිතුරු හෙළ උරුමයේ නායක නීතිඥ උදය ගම්මන්පිල පවසයි.
මේ පිළිබඳ සොයා බැලීමට ඔහු ඇතුළු හිටපු මන්ත්‍රිවරු පිරිසක් අගෝස්තු 15 (අද) දින පෙරවරුවේ දඹුල්ලේ ඌෂ්ණත්ව පාලිත කෘෂිකර්ම ගබඩාවට පැමිණියහ.
එහි දී නිරීක්ෂණය වූයේ කෘෂිකර්ම ගබඩාව තවමත් වැඩ අවසන් නොකර පවතින බව යි.
විපක්ෂයේ විවිධ බලවේග නියෝජනය කරමින් හිටපු පාර්ලිමේන්තු මන්ත්‍රිවරුන් වන උදය ගම්මන්පිල, නිමල් පියතිස්ස, සංජීව එදිරිමාන්න, ප්‍රේම්නාත් දොලවත්ත, නව ජනතා පෙරමුණේ නායක සුගීශ්වර බණ්ඩාර, දඹුල්ල හිටපු නගරාධිපති ජාලිය ඕපාත, වරකාපොළ ප්‍රාදේශීය සභාවේ හිටපු සභාපති සරත් සුමනසූරිය සහ පොදුජන පෙරමුණේ මාතලේ සංවිධායක නිශාන්ත ඩයස් යන අය ඇතුළු පිරිසක් මේ අවස්ථාවට සහභාගි වූහ.
සබැඳි පුවත් :
දඹුල්ලේ උෂ්ණත්ව පාලිත කෘෂිකර්ම ගබඩාවේ ලයිට් කපලා ! - විපක්ෂයේ නිරීක්ෂණ චාරිකාවක දී අනාවරණය වේ
