මීට මාස කිහිපයකට පෙරදී ජනාධිපති අනුර කුමාර දිසානායක හිටපු මන්ත්‍රිවරුන්ගේ විශ්‍රාම වැටුප් සම්බන්ධයෙන් විනිසුරු චිත්‍රසිරිගෙන් විමසීමක් කර තිබෙන බවත් ඒ අනුව විනිසුරුවරයා ජනාධිපති කාර්යාලයට නිර්දේශ ඇතුළත් වාර්තාවක් ඉදිරිපත් කර තිබෙන බවත් එම සංසදයේ ලේකම් ප්‍රේමසිරි මානගේ සඳහන් කළේය.
ජනාධිපති කාර්යාලය මේ දක්වා එම නිර්දේශ ප්‍රසිද්ධ කර නොමැති බවත් තොරතුරු දැනගැනීමේ පනත යටතේ චිත්‍රසිරි වාර්තාවේ නිර්දේශයන් ලබාදෙන ලෙසට පෙබරවාරි මාසයේදී ජනාධිපති ලේකම් කාර්යාලයෙන් ලිඛිතව හා වාචිකව ඉල්ලීමක් කළ නමුත් එම තොරතුරු නොලැබුණු බවත් ලේකම්වරයා කීවේය.
ජනාධිපති ලේකම් කාර්යාලය සතුව එවැනි වාර්තාවක් හෝ නිර්දේශයන් නොමැති බවට තමාට ලිඛිතව දන්වා එවා ඇතැයිද හෙතෙම සඳහන් කළේය.
මෙමඟින් ආණ්ඩුව ජනතාවගේ තොරතුරු දැනගැනීමේ අයිතිය උල්ලංඝනය කර තිබෙන බවත් ඒ අනුව ජනාධිපති ලේකම් කාර්යාලට එරෙහිව නීති මඟට යොමු වන බවත් ලේකම්වරයා ප්‍රකාශ කළේය.
( mawbima | Amith Maduranga Gamage)
