‘2025 වසරේත් 2024 දීත් ආණ්ඩුව ඡන්දයක් පැවැත්වූ බව පෙන්වා දුන් අමාත්‍යවරයා පැවසුවේ, ඒ ආකාරයට පළාත් සභා මැතිවරණය ද ලබන වසරේ (2026) මුල් මාස 6 තුළ පැවැත්වීමට අපේක්ෂා කරන බවය.
ඊට නීතිමය වශයෙන් බාධාවක් තියෙන අතර ඒවා ඉවත් කරගැනීමට අපේක්ෂා කරන බවද ඔහු කීය.
ආණ්ඩුක්‍රම ව්‍යවස්ථා ගෙන ඒම පිළිබඳව රජය ප්‍රතිපත්තිමය තීරණයක් ගෙන ඇති අතර ආණ්ඩුක්‍රම ව්‍යවස්ථාවක් ගෙන ඒම යනු පුළුල් ක්‍රියාවලියක් බවත් ඊට පෙර පළාත් සභා මැතිවරණය පැවැත්වීමට රජය ඉලක්ක කර ඇති බවත් හෙතෙම පෙන්වා දුන්නේය.
පළාත් සභා ඡන්දය පවත්වා ආණ්ඩුක්‍රම ප්‍රතිසංස්කරණ පිළිබඳව පුළුල් දේශපාලන වැඩපිළිවෙළක් ආරම්භ කරන බවද ඔහු පැවැසුවේ කිලිනොච්චිය ප්‍රදේශයේ 17 වන දා පැවති මාධ්‍ය හමුවකදීය.
( mawbima | Anuradha Herath )
