කටයුතු කරන ලෙස බල කරමින් උද්ඝෝෂණයක් දියත් කර තිබේ.
"පේදුරුතුඩුව නගරය සුරකිමු" යන්න තේමා කරගනිමින් අගෝස්තු 25 වැනි සඳුදා පේදුරුතුඩුව වරාය සමීපයෙන් ගමන් ආරම්භ කළ විරෝධතා පෙළපාලියකින් පේදුරුතුඩුව ප්‍රාදේශිය ලේකම් කාර්යාලය දක්වා ගමන් ගත් විරෝධතාකරුවන් සිය ඉල්ලීම් ඇතුලත් සන්දේශයක් ප්‍රාදේශිය ලේකම් වෙත බාර දීමට කටයුතු කළ බවයි පළාත් බද වාර්තාකරුවන් පවසන්නේ.
විරෝධතාකරුවන් චෝදනා කරන්නේ පේදුරුතුඩුව ප්‍රදීපාගාරය හා ඒ අවට භුමිය නාවික හමුදාව විසින් බලහත්කාරයෙන් අත්පත්කරගෙන ඇති අතර වසර 150 වඩා පැරනි තැපැල් කාර්යාලය පිහිටි භුමිය හා මහේස්ත්‍රාත් අධිකරණය පිහිටි භුමිය යුද හමුදාව විසින් බලහත්කාරයෙන් වාඩිලා සිටින බවයි.
යුද නිමාවෙන් දහසය වසරක් ගතව තිබියදීත් එම ඉඩම් නිදහස් කිරීමට කටයුතු නොකිරීම නිසා තැපැල් කාර්යාලය සහ අධිකරණය වෙනත් ඉඩම් තුළ පවත්වාගෙන යෑමට සිදුව ඇති බව විරෝධතාකරුවන් එහිදී වැඩි දුරටත් පෙන්වා දී තිබුනි.
පේරුදුතුඩුව නගර සභාවේ සභාපති ඩග්ලස් පෝල්ගේ නායකත්වයෙන් මෙම විරෝධතාවය දියත් කර ඇති අතර එයට හිටපු දෙමළ ජනතා නියෝජිතයන්, ප්‍රදේශවාසීන් හා ධිවර ප්‍රජාව සහාය ලබා දී ඇත.
පේරුදුතුඩුව නගර සභාවේ බලය හොබවන්නේ දෙමළ ජාතික ජනතා පෙරමුණයි. විරෝධතාවය සදහා පේරුදුතුඩුව නගර සභාවේ ජාතික ජන බලවේගයේ නියෝජිතයන් හැර සෙසු සියළු නියෝජිතයන් එක්ව සිටි බව පළාත් බද වාර්තාකරුවෝ වැඩි දුරටත් පවසති.
