ඒ, කොළඹ කොටුව මහේස්ත්‍රාත් නිලුපුලී ලංකාපුර ඉදිරියේ ය.
සැකකාර රනිල් වික්‍රමසිංහ අධිකරණයට ඉදිරිපත් කර නැති අතර සූම් ඔස්සේ අධිකරණයට ඉදිරිපත් කිරීමට තීරණයක් තිබේ.
අද දින අපරාධ පරීක්ෂණ දෙපාර්තමේන්තුව වෙනුවෙන් අතිරේක සොලිසිටර් ජනරාල් දිලීප පීරිස් පෙනී සිටියි.
සැකකාර රනිල් වික්‍රමසිංහ වෙනුවෙන් තිලක් මාරපන, අනූජ ප්‍රේමරත්න යන ජනාධිපති නීතිඥවරුන් ඇතුළු නීතිඥ මණ්ඩලයක් ඉදිරිපත් වී සිටිති.
රනිල් වික්‍රමසිංහ ට ඇප ලබාදීමට නීතිපති දෙපාර්තමේන්තුව විරුද්ධත්වය දක්වා තිබේ. ආරාධනා පත්‍රයේ නීතියානුකූලත්වය මෙතෙක් තහවුරු කරගෙන නොමැති බව අතිරේක සොලිසිටර් ජෙනරාල් දිලීප පීරිස් අධිකරණයට දැනුම් දුන්නේය
කොටුව මහේස්ත්‍රාත් අධිකරණය ඉදිරිපිට විරෝධතාවක්
කොටුව මහෙස්ත්‍රාත් අධිකරණය ආසන්නයේ මේ වන විට උණුසුම් තත්ත්වයක් හට ගෙන තිබේ. ඒ විපක්ෂයේ පක්ෂ සාමාජිකයින් විසින් "මර්දනයට එරෙහිව" නමින් ආරම්භ කර ඇති විරෝධතාවය හේතුවෙනි.
එම තත්ත්වය තුළ කොළඹ කොටුව මහේස්ත්‍රාත් අධිකරණය අවට දැඩි ආරක්ෂාවක් යොදවා ඇති බව එහි සිටින අප වාර්තාකරු පවසයි.
කිව් පාර කෝවිල අසලින් සහ, ආරක්ෂක විද්‍යාලය අසලින් වසා දමා ඇති බවත්, ඊට අමතරව, බැරැක්ක පටුමග ද වසා දමා ඇති බවත් ඔහු වැඩිදුරටත් පැවසිය.
අධිකරණ භූමියට ඔබ්බෙන් මහා පිරිසක් රැස්වී උද්ඝෝෂණය කරමින් සිටිති.
" අනුර එපා කිව්වට අපි ආවා කොළඹට"ආදී සටන් පාඨ කියමින් ඔවුහු උද්ඝෝෂණය කරති.
විපක්ෂ නායක අධිකරණ භූමියට
විපක්ෂ නායක සජිත් ප්‍රේමදාස, හිටපු ජනාධිපති රනිල් වික්‍රමසිංහ ගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට පැමිණියේය.
සමගි ජන බලවේගය නියෝජනය කරන මන්ත්‍රීවරු රැසක් ද විපක්ෂ නායකවරයා සමඟ අධිකරණ භූමියට පැමිණියහ.
පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ ද රනිල් වික්‍රමසිංහ ගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට පැමිණි සිටියි.
අධිකරණ සංකීර්ණයෙන් පිටත දී මාධ්‍යයට ප්‍රකාශයක් කරමින් නාමල් රාජපක්ෂ කීවේ, ආණ්ඩුව දිගටම රාජපක්ෂවරුන්ගෙන් පළිගනිමින් සිටි අතර දැන් රනින්ගෙන් පළිගැනීම අලුත් තත්වයක් වී ඇති බවයි. ආණ්ඩුවේ පළිගැනීමේ සංස්කෘතිය වහාම නතර කළ යුතුව තිබෙන බවද නාමල් රාජපක්ෂ කීය.
