වංචනික නිලධාරීන්ගේ තොරතුරු කාන්දුව පරදා අම්පාර දිස්ත්‍රික් අපරාධ විමර්ශන ඒකකයේ සුපිරි මෙහෙයුමක්
ලක්ෂ 2ක අල්ලස ප්‍රතික්ෂේප වෙයි; අම්පාර මහේස්ත්‍රාත් අධිකරණයෙන් දින 7ක රැඳවුම් නියෝග
ලක්ෂ 2ක අල්ලස ප්‍රතික්ෂේප වෙයි; අම්පාර මහේස්ත්‍රාත් අධිකරණයෙන් දින 7ක රැඳවුම් නියෝග
දීර්ඝ කාලයක සිට උහන සහ ඒ අවට ප්‍රදේශවල තරුණයන් ඉලක්ක කර ගනිමින් මහා පරිමාණයෙන් හෙරොයින් බෙදාහැරීමේ නිරත වූ ප්‍රධානතම මත්ද්‍රව්‍ය ජාවාරම්කරුවෙකු, ඔහුගේ නිවසේ තිබූ CCTV ආරක්ෂක කැමරා සහ පොලිස් තොරතුරු කාන්දු කිරීමේ ජාලයන් සියල්ල අභිබවා යමින් අම්පාර කොට්ඨාස අපරාධ විමර්ශන අංශය විසින් අද (ජූලි 01) අත්අඩංගුවට ගෙන තිබේ.
උහන 21, තිස්සපුර ගම්මානයේ පිහිටි ඔහුගේ නිවසේදී මෙම සූක්ෂම වැටලීම සිදුකර ඇත.
මෙම ජාවාරම්කරු වසරකට වැඩි කාලයක් තිස්සේ මත්ද්‍රව්‍ය ව්‍යාපාරය කරගෙන ගොස් ඇත්තේ උහන පොලිස් ස්ථානයට ඉතාමත් ආසන්නයේ වීම විශේෂත්වයකි. ඔහු සිය නිවස වටා CCTV කැමරා සහ විශේෂ ආලෝක පද්ධති සවිකර පොලිස් සංචාරයන් නිරීක්ෂණය කර තිබේ. වඩාත්ම බරපතළ කරුණ නම්, මීට පෙර උහන සහ වත්මන් ඉරක්කාමම් පොලිස් ස්ථානවල සේවය කළ ඇතැම් දූෂිත නිලධාරීන් සහ ඔත්තුකරුවන් විසින් වැටලීම් පිළිබඳ තොරතුරු කල්තියා මොහුට ලබාදීමයි. මේ නිසා උහන පොලිසියේ හිටපු සහ වත්මන් ස්ථානාධිපතිවරුන් කළ මෙහෙයුම් රැසක් අසාර්ථක වී තිබුණි.
'ඩෙංගු මර්දන' වෙස්වලාගත් පොලිස් උගුල
උහන 21, තිස්සපුර ගම්මානයේ පිහිටි ඔහුගේ නිවසේදී මෙම සූක්ෂම වැටලීම සිදුකර ඇත.
මෙම ජාවාරම්කරු වසරකට වැඩි කාලයක් තිස්සේ මත්ද්‍රව්‍ය ව්‍යාපාරය කරගෙන ගොස් ඇත්තේ උහන පොලිස් ස්ථානයට ඉතාමත් ආසන්නයේ වීම විශේෂත්වයකි. ඔහු සිය නිවස වටා CCTV කැමරා සහ විශේෂ ආලෝක පද්ධති සවිකර පොලිස් සංචාරයන් නිරීක්ෂණය කර තිබේ. වඩාත්ම බරපතළ කරුණ නම්, මීට පෙර උහන සහ වත්මන් ඉරක්කාමම් පොලිස් ස්ථානවල සේවය කළ ඇතැම් දූෂිත නිලධාරීන් සහ ඔත්තුකරුවන් විසින් වැටලීම් පිළිබඳ තොරතුරු කල්තියා මොහුට ලබාදීමයි. මේ නිසා උහන පොලිසියේ හිටපු සහ වත්මන් ස්ථානාධිපතිවරුන් කළ මෙහෙයුම් රැසක් අසාර්ථක වී තිබුණි.
'ඩෙංගු මර්දන' වෙස්වලාගත් පොලිස් උගුල
තොරතුරු කාන්දුවීම වැලැක්වීම සඳහා අම්පාර කලාපය භාර නියෝජ්‍ය පොලිස්පති (DIG) සුජිත් වේදමුල්ල ගේ සෘජු මැදිහත්වීමෙන් විශේෂ සැලැස්මක් සකස් කෙරිණි.
ගැබිණි නිලධාරිනියකගේ සහාය:
අම්පාර දිස්ත්‍රික් අපරාධ විමර්ශන ඒකකයේ පොලිස් පරික්ෂක ආර්.ඒ.ඩී.එස්. රත්නායක ඇතුළු කණ්ඩායම "ඩෙංගු ක්ෂේත්‍ර පරීක්ෂකවරුන්" ලෙස වෙස්වලාගෙන තිබූ අතර, සැකය දුරු කිරීම සඳහා ගැබිණි පොලිස් නිලධාරිනියක ද කණ්ඩායමට එකතු කරගෙන තිබුණි.
වැටලීම සහ තර්ක කිරීම:
නිවසට ඇතුළු වූ නිලධාරීන් ඩෙංගු මදුරුවන් පරීක්ෂා කිරීමට අවශ්‍ය බව පවසා නිවසේ පිටුපස පරීක්ෂා කර ඇත. එහිදී සැකකරු "දැන් කොරෝනා කාලේ නෙවෙයි, ඇයි ඩෙංගු බලන්නේ?" කියමින් පොලිසිය මඟහැරීමට උත්සාහ කර ඇති අතර, ඒ සමඟම වෙස්වලාගෙන සිටි සෙසු නිලධාරීන් පැන ඔහුව මෙල්ල කරගෙන තිබේ.
අල්ලස සහ නෛතික පියවර:
ලක්ෂ 2ක අල්ලස: තමන්ව නිදහස් කරන්නේ නම් පොලිස් පරික්ෂක රත්නායක ට එම අවස්ථාවේදීම රුපියල් ලක්ෂ 2ක අල්ලස් මුදලක් දීමට සැකකරු උත්සාහ කර ඇත. එහෙත් නිලධාරීන් එම ඉල්ලීම ක්ෂණිකව ප්‍රතික්ෂේප කර තිබේ.
නඩු පැවරීම:
සැකකරු සන්තකයේ තිබී හෙරොයින් ග්‍රෑම් 5ක් සහ වෙනත් මත්ද්‍රව්‍ය මිලිග්‍රෑම් 30ක් සොයාගෙන ඇත. අම්පාර අතිරේක මහේස්ත්‍රාත් පුෂ්පරාජා ආනන්දවදනි වෙත සැකකරු ඉදිරිපත් කිරීමෙන් පසු, ඔහුව දින 7ක් රැඳවුම් භාරයේ තබා ප්‍රශ්න කිරීමට පොලිසියට අවසර ලැබුණි.
අම්පාර ජ්‍යෙෂ්ඨ පොලිස් අධිකාරී ප්‍රියන්ත බණ්ඩාර කස්තුරිආරච්චි සහ සහකාර පොලිස් අධිකාරී සම්පත් වික්‍රමරත්න ගේ අධීක්ෂණය යටතේ පොලිස් පරීක්ෂකවරුන් වන රත්නායක, බණ්ඩාර, සහ කොස්තාපල්වරුන් වන රංජිත්, චන්ද්‍රසේන, තිස්සනායක, සුනිල්, සංජීව, අජිත් මෙන්ම කාන්තා පොලිස් කොස්තාපල් සෙව්වන්දි ඇතුළු කණ්ඩායමක් මෙම සාර්ථක ඒකාබද්ධ මෙහෙයුම දියත් කර තිබුණි.
